சிவகார்த்திகேயன் நடிப்பில், கமல்ஹாசன் தயாரிப்பில், ராஜ்குமார் பெரியசாமியின் இயக்கத்தில் உருவாகி வரும் திரைப்படம் ‘எஸ்கே 21’. இந்த படத்தின் படப்பிடிப்பு ஒரு பக்கம் விறுவிறுப்பாக நடைபெற்றுக் கொண்டிருக்கும் நிலையில் வரும் 17ஆம் தேதி சிவகார்த்திகேயன் பிறந்தநாளில் இந்த படத்தின் டைட்டில் உடன் கூடிய ஃபர்ஸ்ட்லுக் போஸ்டர் வெளியாகும் என்றும் செய்திகள் வெளியாகியுள்ளன.

இந்த நிலையில் இந்த படத்திற்கு ’போர் கண்ட சிங்கம்’ என்ற டைட்டில் வைக்கப்பட்டுள்ளதாக செய்திகள் கசிந்து உள்ளது. ’போர் கண்ட சிங்கம்’ என்பது கமல்ஹாசன் நடித்த ’விக்ரம்’ திரைப்படத்தில் இடம் பெற்ற ஒரு பாடலில் வரும் என்பது குறிப்பிடத்தக்கது.

உயிரும் நடுங்குதே
உன்னையும் ஏந்திடவே
உடைந்த வீரனே
கலங்கி அழுகிறேன்
போர் கண்ட சிங்கம்
வலி கொண்ட நெஞ்சம்
உடைந்தாலும் உனக்காக உயிர் வாழ்கிறேன்
அழுகாதே மகனே
என் ஆயுள் உனதே
இமை போல உனை காக்க நான் தேய்கிறேன் ஜீவனே..

இந்த பாடலில் உள்ள முக்கிய வரியை ‘எஸ்கே 21’ படத்தின் டைட்டிலாக வைக்கப்பட்டுள்ளதாக கூறப்படுகிறது.

சிவகார்த்திகேயன், சாய் பல்லவி, ராகுல் போஸ், லல்லு, ஸ்ரீகுமார் உள்ளிட்ட பலர் நடித்து வரும் இந்த படத்திற்கு ஜிவி பிரகாஷ் இசையமைத்து வருகிறார்.