உலக நாயகன் கமல்ஹாசன் நாத்திக கொள்கையுடையவர் என்பது அனைவரும் அறிந்ததே. அவருடைய படங்களிலும் நாத்திக கருத்துக்கள் மெல்லியதாக ஊடுருவி இருக்கும்.

இந்நிலையில் ஆத்திகத்தின் பெருமையை உலகிற்கே உணர்த்திய சுவாமி விவேகானந்தரின் கெட்டப்பில் கமல்ஹாசன் ஒரு படத்தில் நடித்துள்ளார். சிவாஜி கணேசனின் பேரன் துஷ்யந்த் தயாரிப்பில் பிரபு முக்கிய வேடத்தில் நடிக்கும் 'மீன் குழம்பும் மண் பானையும்' என்ற படத்தில் கமல்ஹாசன் சிறப்பு தோற்றத்தில் நடித்துள்ளார் என்பது அனைவரும் தெரிந்ததே.

இந்நிலையில் இந்த படத்தில் கமல்ஹாசன் விவேகானந்தர் கெட்டப்பில் நடித்துள்ளதாக செய்திகள் வெளிவந்துள்ளது. ஏற்கனவே நடிகர் திலகம் சிவாஜி கணேசன் அவர்கள் 'ஆண்டவன் கட்டளை' என்ற படத்தில் விவேகானந்தர் வேடம் ஏற்று நடித்துள்ளார் என்பது குறிப்பிடத்தக்கது.

ஜெயராம் மகன் காளிதாஸ், ஆஷ்னா சாவேரி, ஊர்வசி, பூஜா குமார், சந்தானபாரதி, எம்.எஸ்.பாஸ்கர் உள்பட பலர் நடித்துள்ள இந்த படத்தை அறிமுக இயக்குனர் அமுதேஷ்வர் இயக்கி வருகிறார்.