கமல்ஹாசன் அவுட், சூர்யா இன்
- IndiaGlitz, [Wednesday,May 25 2016]
உலக நாயகன் கமல்ஹாசன் தனது அடுத்த படமான 'சபாஷ் நாயுடு' படத்தின் படப்பிடிப்பிற்காக மகள் ஸ்ருதிஹாசன் உள்பட படக்குழுவினர்களுடன் அமெரிக்காவுக்கு புறப்பட்டுள்ள நிலையில் சற்று முன்னர் நடிகர் சூர்யா தனது குடும்பத்தினர்களுடன் அமெரிக்காவில் இருந்து சென்னை திரும்பியுள்ளார்.
கடந்த 6ஆம் தேதி ரிலீஸ் ஆன '24' படத்தின் பிரிமியர் காட்சியில் கலந்து கொள்வதற்காக அமெரிக்கா சென்றிருந்த சூர்யா, அங்கு குடும்பத்துடன் சில நாட்கள் ஓய்வு எடுத்தார். இந்நிலையில் ஓய்வு முடிந்து இன்று சூர்யா தனது குடும்பத்தார்களுடன் சென்னை திரும்பினார்.
சூர்யா தற்போது ஹரி இயக்கத்தில் 'S3' படத்தில் நடித்து வருகிறார். இந்த படத்தின் படப்பிடிப்பு பாதிக்கும் மேல் முடிந்துள்ள நிலையில் விரைவில் அடுத்தகட்ட படப்பிடிப்பு தொடங்கும் என்று எதிர்பார்க்கப்படுகிறது.