சென்னை உள்பட தமிழகத்தின் பல பகுதிகளில் கடந்த ஒரு வாரமாக கனமழை கொட்டி தீர்த்ததால் தமிழகத்தின் பெரும்பகுதி வெள்ளக்காடாகியுள்ளது.

இந்த நிலையில் தாழ்வான பகுதிகளில் உள்ள குடியிருப்புகளில் மழைநீர் புகுந்ததால் தமிழக அரசு அதிகாரிகள், தேசிய பேரிடை மீட்பு படையினர், காவல்துறை அதிகாரிகள், மாநகராட்சி அதிகாரிகள் மற்றும் சமூக நல ஆர்வலர்கள் மீட்புப்பணியை கவனித்து வருகின்றனர்., 

அதுமட்டுமின்றி நடிகர்களின் ரசிகர்களும் மழைமீட்புப்பணியில் உள்ளனர். இந்த நிலையில் உலக நாயகன் கமல்ஹாசன் மழை மீட்புப்பணியில் ஈடுபட்டிருக்கும் தனது ரசிகர்களுக்கு முக்கிய அறிவுரை ஒன்றை கூறியுள்ளார். 'இயக்கத் தொண்டர்கள் எப்போதும் போல் மழைக்கால உதவிகள் செய்கையில் அரசுப் பணியாளர்களுக்கு இடைஞ்சலோ கேலியோ இன்றி உதவுங்கள்.  ஆபத்திற்கு பாவமில்லை' என்று கூறியுள்ளார். மேலும் மழை நிவாரணப் பணிகளில் ஈடுபட்டுள்ள காவல் துறையினருக்கு அவர் பாராட்டும் தெரிவித்துள்ளார்.