படப்பிடிப்பு முடியும் முன்பே டப்பிங் முடித்த கமல்ஹாசன்.. என்ன ஒரு வேகம்..!
- IndiaGlitz, [Friday,May 12 2023]
உலகநாயகன் கமல்ஹாசன் தான் நடித்து வரும் திரைப்படத்தின் படப்பிடிப்பு முடியும் முன்பே இதுவரை தான் நடித்த காட்சிகளின் டப்பிங் பணியை முடித்து விட்டதாக செய்திகள் வெளியாகி உள்ளன.
கமல்ஹாசன் நடிப்பில் ஷங்கர் இயக்கத்தில் உருவாகி வரும் திரைப்படம் ’இந்தியன் 2’. இந்த படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வருகிறது என்பதும் சமீபத்தில் கூட வெளிநாடுகளில் இந்த படத்தின் படப்பிடிப்பு முடிவடைந்தது என்பது தெரிந்ததே.
இந்த நிலையில் ’இந்தியன் 2’ படத்தின் அடுத்த கட்ட படப்பிடிப்பு விரைவில் தொடங்க இருக்கும் நிலையில் இதுவரை கமல்ஹாசன் தான் நடித்த காட்சிகளுக்கான டப்பிங் பணியை முடித்து விட்டதாகவும் அடுத்ததாக இந்த படத்தில் நடித்த மற்ற நட்சத்திரங்களின் டப்பிங் பணிகள் தற்போது நடைபெற்று வருவதாகவும் கூறப்படுகிறது.
ஒரு பக்கம் ’கேம் சேஞ்சர்’ திரைப்படத்தின் படப்பிடிப்பு பணிகளில் இருக்கும் ஷங்கர் இன்னொரு பக்கம் ’இந்தியன் 2’ டப்பிங் பணியில் இருக்கிறார் என்றும் இரு படங்களுக்கு மாறி மாறி பம்பரமாக சுழன்று அவர் பணிபுரிந்து வருகிறார் என்றும் கூறப்படுகிறது.
’இந்தியன் 2’ திரைப்படத்தை அடுத்த ஆண்டு பொங்கல் தினத்தில் வெளியிட படக்குழுவினர் திட்டமிட்டுள்ளதாகவும் ’கேம் சேஞ்சர்’ படத்தை அதற்கு முன்பே வெளியிட திட்டமிட்டு இருப்பதாகவும் கூறப்படுகிறது.