அமெரிக்க நேரப்படி ரஜினிக்கு வாழ்த்து கூறிய கமல்
- IndiaGlitz, [Wednesday,December 13 2017]
சூப்பர் ஸ்டார் ரஜினிகாந்த் அவர்களின் பிறந்த நாளையொட்டி நேற்று அவரது ரசிகர்களும், ஒட்டுமொத்த இந்திய திரையுலகமும், அரசியல்வாதிகளும், சந்திரபாபு நாயுடு, மம்தாபானர்ஜி உள்பட ஒருசில மாநிலங்களின் முதல்வர்களும், ரஜினிக்கு பிறந்த நாள் வாழ்த்து தெரிவித்தனர்.
இந்த நிலையில் நேற்று பகல் முழுவதும் ரஜினியின் 40 ஆண்டுகால நண்பர் கமல்ஹாசன் வாழ்த்து தெரிவிக்காத நிலையில் நேற்றிரவு தனது டுவிட்டரில் வாழ்த்து தெரிவித்தார். 'விஸ்வரூபம் 2' படத்தின் பணி காரணமாக தற்போது அமெரிக்காவில் இருப்பதாகவும், அமெரிக்காவில் இப்போதுதான் 12ஆம் தேதி பிறந்துள்ளதால் தற்போது வாழ்த்து தெரிவிப்பதாகவும் கூறியுள்ளார்.
கமல்ஹாசன் தனது டுவிட்டரில், 'சகோதரர் ரஜினி வாழ்க நலமுடன். இனிய பிறந்த நாள் வாழ்த்துக்கள். விஸ்வரூபம் 2 வேலையாக. அமேரிக்காவில் உள்ளேன். இங்கு இப்போதுதான் சில மணிகள் முன் பிறந்தது 12 ஆம் தேதி. வெற்றிகள் தொடர வாழ்த்துக்கள். கமல்' என்று கூறியுள்ளார். கமல்ஹாசனின் இந்த டுவீட்டுக்கு ரஜினி நன்றி தெரிவித்துள்ளனர்.