காரண பெயராக்கிய பெரியவர்: நல்லகண்ணுவுக்கு கமல்ஹாசன் வாழ்த்து
- IndiaGlitz, [Wednesday,December 26 2018]
கம்யூனிட்ஸ்ட் கட்சியின் மூத்த தலைவர் நல்லக்கண்ணு அவர்கள் இன்று தனது 93வது பிறந்த நாளை கொண்டாடி வரும் நிலையில் அவருக்கு கட்சி வேறுபாடின்றி அனைத்து அரசியல் தலைவர்களும் வாழ்த்துக்களை தெரிவித்து வருகின்றனர்.
அந்த வகையில் உலக நாயகனும் மக்கள் நீதி மய்யம் கட்சியின் தலைவருமான கமல்ஹாசன், நல்லக்கண்ணு அவர்களுக்கு தனது டுவிட்டர் பக்கத்தில் பிறந்த நாள் வாழ்த்து தெரிவித்துள்ளார். அவர் கூறியவதாவது
இவருக்கு பெயர் இட்டது பெற்றோரே எனினும் தான் வாழ்ந்த விதத்தால், தன் பெயரை “காரணப் பெயராக்கிய” பெரியவர் திரு. நல்லக்கண்ணு அய்யாவிற்கு இன்று பிறந்த நாள். நல்லவரையும் நல்லவற்றையும் வாழ்த்துவோம் மனதார... என்று கமல் தனது டுவிட்டரில் கூறியுள்ளார்.
கமல்ஹாசன் நடித்த அன்பேசிவம் படத்தில் 'நல்லா ' நல்லசிவம் என்ற பெயரை நல்லக்கண்ணு மேல் உள்ள மரியாதையால் கமல் வைத்ததாகவே கூறப்படுகிறது