சமீபத்தில் நடந்த 'சர்கார்' படத்தின் இசை வெளியீட்டு விழாவில் அரசியல் சாயம் கலந்து விஜய் பேசிய பேச்சு கடந்த மூன்று நாட்களாக தமிழக அரசியலில் பரபரப்பை ஏற்படுத்தியுள்ளது. விஜய் அரசியல் வருகை குறித்து கிட்டத்தட்ட அனைத்து கட்சியினர்களும் தங்களுடைய கருத்துக்களை தெரிவித்துவிட்டனர்.

இந்த நிலையில் சமீபத்தில் அரசியல் களத்தில் இறங்கிய நடிகர் கமல்ஹாசன் விஜய் அரசியல் வருகை குறித்து கூறியபோது, 'விஜய்க்கு ஆர்வம் இருந்தால் அரசியலுக்கு வரட்டும். அரசியலில் ஊழலை எதிர்ப்பது என்பது நல்ல பாணிதான். அவர் சொன்னது போல் ஊழலுக்கு எதிரானது என்பதை அவர் ஊர்ஜிதப்படுத்தி விட்டாரேயானால் கண்டிப்பாக என்னுடைய சகோதர மனப்பான்மையுடையவர் அவர். அவரை வரவேற்கிறோம்' என்று கூறியுள்ளார்.

இதே கமல்ஹாசன் தான் கடந்த ஆண்டு ஒரு பேட்டியில், 'விஜய் நல்ல படங்களில் நடிப்பதில் மட்டும் கவனம் செலுத்துவது நல்லது' என்று கூறினார் என்பது குறிப்பிடத்தக்கது.