உலகநாயகன் கமல்ஹாசன் தற்போது அமெரிக்காவில் இருக்கும் நிலையில் அடுத்ததாக அவர் சீனா மற்றும் துபாய் செல்ல இருப்பதாக கூறப்படுகிறது. இந்த நிலையில் கமல்ஹாசன் சென்னை திரும்பிய பிறகுதான் பிக் பாஸ் ஆரம்பிக்கும் தேதி குறித்த அறிவிப்பு வெளியாகும் என்று கூறப்படுகிறது.

உலகநாயகன் கமல்ஹாசன் சமீபத்தில் அமெரிக்காவுக்கு சென்றார் என்பதும் அங்கிருந்து கொண்டே அவர் ஷாருக்கானின் ’ஜவான்’ படத்தின் இசை வெளியீட்டு விழாவில் காணொளி மூலம் கலந்து கொண்டு படக்குழுவினர்களுக்கு வாழ்த்து தெரிவித்தார் என்பதை பார்த்தோம். அதுமட்டுமின்றி கமல்ஹாசன் அமெரிக்காவில் இருக்கும் சில புகைப்படங்கள் இணையத்தில் வெளியாகி வைரலாகி வருகின்றன.

இந்த நிலையில் அமெரிக்க பயணத்தை முடித்துவிட்டு கமல்ஹாசன் சீனா செல்ல இருப்பதாகவும் அதன் பிறகு செப்டம்பர் 16ஆம் தேதி துபாயில் நடைபெறும் Siima திரைப்பட விழாவில் கலந்து கொள்ள இருப்பதாகவும் கூறப்படுகிறது. இதனை அடுத்து தான் அவர் துபாயில் இருந்து சென்னை திரும்புவார் என்று எதிர்பார்க்கப்படுகிறது.

கமல்ஹாசன் சென்னை திரும்பிய பிறகு பிக்பாஸ் தமிழ் சீசன் 7 தொடங்கும் தேதி குறித்த அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.