பேராசிரியர் க.அன்பழகன் மறைவுக்கு கமல்ஹாசன் இரங்கல்
- IndiaGlitz, [Saturday,March 07 2020]
முதுபெரும் அரசியல்வாதியும், திராவிட முன்னேற்ற கழகத்தின் பொதுச்செயலாளராக 42 ஆண்டுகள் பணிபுரிந்தவரும், மறைந்த மு. கருணாநிதி அவர்களின் நெருங்கிய நண்பர்களில் ஒருவருமான க.அன்பழகன் இன்று அதிகாலை 1 மணிக்கு உடல்நலக்கோளாறு காரணமாக காலமானார்.
இந்த நிலையில் க.அன்பழகன் மறைவிற்கு பல்வேறு அரசியல் கட்சி தலைவர்கள் இரங்கல் தெரிவித்து வரும் நிலையில், உலக நாயகனும் மக்கள் நீதி மய்யம் கட்சியின் தலைவருமான கமல்ஹாசன் தனது சமூக வலைத்தளத்தில் இரங்கல் தெரிவித்துள்ளார். அவர் இதுகுறித்து கூறியதாவது:
தமிழகத்தின் முதுபெரும் தலைவர், திராவிட சிந்தனையின் தெளிவுரை, ஏற்றுக்கொண்ட இயக்கத்தில் இறுதிவரை உறுதியோடு இருந்தவர், பேராசிரியர் திரு.அன்பழகன் அவர்களின் இழப்பு வேதனைக்குரியது. அவர் குடும்பத்தாருக்கும் அவரது இயக்கத்தாருக்கும் எனது ஆழ்ந்த இரங்கலை தெரிவித்துக்கொள்கிறேன்
தமிழகத்தின் முதுபெரும் தலைவர், திராவிட சிந்தனையின் தெளிவுரை, ஏற்றுக்கொண்ட இயக்கத்தில் இறுதிவரை உறுதியோடு இருந்தவர், பேராசிரியர் திரு.அன்பழகன் அவர்களின் இழப்பு வேதனைக்குரியது.
— Kamal Haasan (@ikamalhaasan) March 7, 2020
அவர் குடும்பத்தாருக்கும் அவரது இயக்கத்தாருக்கும் எனது ஆழ்ந்த இரங்கலை தெரிவித்துக்கொள்கிறேன்.