இயக்குனர் ஐவி சசி மறைவிற்கு கமல்ஹாசன் இரங்கல்
- IndiaGlitz, [Tuesday,October 24 2017]
பழம்பெரும் இயக்குனர் ஐ.வி.சசி இன்று சென்னையில் காலமானார் என்ற செய்தியை சற்றுமுன்னர் பார்த்தோம். ஐவி சசியின் மறைவிற்கு திரையுலக பிரமுகர்கள் அஞ்சலி தெரிவித்தும் நேரில் இறுதி மரியாதை செலுத்தியும் வருகின்றனர்.
இந்த நிலையில் உலக நாயகன் கமல்ஹாசன் தனது டுவிட்டரில் ஐவி சசியின் மறைவிற்கு இரங்கல் தெரிவித்தார். அவர் தனது டுவிட்டரில், 'நெடுங்கால நண்பரும் இணையிலா சினிமா தொழில் விற்பன்னருமான ஐ.வி.சசி காலமானார். என் சகோதரி சீமா சசிக்கும், குடும்பத்தாருக்கும் அன்பும் அனுதாபமும்' என்று தெரிவித்துள்ளார்
கமல்ஹாசன் நடிப்பில் உருவான குரு, அலாவுதீன் அற்புத விளக்கும் போன்ற தமிழ் படங்களையும், ஈட்டா, விருதம், ஆனந்தம் பிரம்மானந்தம் போன்ற மலையாள படங்களையும், கரிஷ்மா என்ற இந்தி படத்தையும் ஐவி சசி இயக்கியுள்ளார் என்பது குறிப்பிடத்தக்கது.