பிக்பாஸ் நிகழ்ச்சியில் இந்த வாரம் நடந்த டாஸ்க் கார சாரமாக இருந்தது என்பதும் தனலட்சுமி தலைமையிலான அணியும் விக்ரமன் தலைமையிலான அணியும் பரபரப்பாக மோதிக் கொண்டது என்பதும் தெரிந்ததே.

இந்த இரண்டு அணிகளும் விளையாடிய ஸ்வீட் கடை டாஸ்க்கில் வெற்றி பெற்றது யார் என்ற அறிவிப்பை பிக்பாஸ் வெளியிட்ட போது தனலட்சுமி டீம் மகிழ்ச்சி அடைந்தது.

இந்த நிலையில் கமல்ஹாசன் இன்று அதிரடி முடிவு எடுத்து தனலட்சுமியின் வெற்றியை பறித்துக்கொண்டார். பிக்பாஸ் சொன்ன ரூல்ஸை நீங்கள் மீறிவிட்டீர்கள் என்றும் அதனால் உங்கள் வெற்றி பறிக்கப்படுகிறது என்றும் அது மட்டுமின்றி நாமினேஷன் பட்டியலில் உங்களுக்கு விலக்கு அளிக்கப்பட்டதும் திரும்பப் பெறப்படுகிறது என்றும் கமலஹாசன் தெரிவித்தார்.

மேலும் தனலட்சுமியிடம் இருந்து பறிக்கப்பட்ட வெற்றி நியாயமாக விளையாடிய விக்ரமன் அணிக்கு வழங்கப்படுகிறது என்று கமல்ஹாசன் தெரிவித்தார். இதனை அடுத்து விக்ரமன் அணியினர் எழுந்து நின்று கைதட்டி தங்கள் மகிழ்ச்சியை பகிர்ந்து கொண்டனர். ஆனால் அதே நேரத்தில் தனலட்சுமி கண்கலங்கினார். அப்போது கமல்ஹாசன், ’தனலட்சுமி கண் கலங்கும் போது ஆறுதல் சொல்வதும் நான் தான்’ என்று கூறுவதோடு இன்றைய முதல் புரோமோ முடிவுக்கு வருகிறது.

#Day35 #Promo1 of #BiggBossTamil #BiggBossTamil6 - இன்று இரவு 9:30 மணிக்கு நம்ம விஜய் டிவில.. #BBTamilSeason6 #BiggBoss #பிக்பாஸ் #VijayTelevision @preethiIndia @NipponIndia pic.twitter.com/fdS26cexQC

— Vijay Television (@vijaytelevision) November 13, 2022