நடிகரும் இயக்குனருமான கரு பழனியப்பன் நேற்று தனது சமூக வலைத்தளத்தில் எழுத்தாளரும் திரைக்கதை, வசனகர்த்தாவுமான ஜெயமோகன் குறித்து ஒரு சர்ச்சைக்குரிய டுவிட்டை பதிவு செய்திருந்தார். அதில் ‘சாதிப்படி நிலை மேலிருக்கும் அழகிகள் அனைவரும் கண்டு வியந்த , பொறாமைப்பட்ட, ஈடேற முடியாத, சாதிப் படிநிலையில் கீழிருந்து மேல் எழுந்த அழகி சில்க் ஸ்மிதா ... எழுத்தர் ஜெயமோகன் கவனத்திற்கு... (எழுத்தாளர் அல்ல , எழுத்தர் என்பதை அறிந்தே எழுதினேன்! ) என்று குறிப்பிட்டிருந்தார்.

கரு பழனியப்பனின் இந்த டுவீட்டுக்கு ஒருசில ஆதரவும் பெரும்பாலான கண்டனங்களும் பதிவாகி வந்தன என்பது குறிப்பிடத்தக்கது. இந்த நிலையில் சற்றுமுன் கமல்ஹாசன் தனது சமூக வலைத்தள பக்கத்தில் பதிவு செய்துள்ளதாவது: என் ஜெயமோகன்” என்று முந்திக்கொண்டு கொண்டாடுகிறேன். நாளை தமிழ் கூறும் நல்லுலகம் வழி மொழியும். கேளுங்கள் “வாழும் அறிஞனின்” பேச்சை’ என்று குறிப்பிட்டுள்ளார். மேலும் ‘மய்யம்’ சமூக வலைத்தள பக்கத்தில் இன்று ‘இலக்கியமும் சினிமாவும்’ என்ற தலைப்பில் எழுத்தாளர் ஜெயமோகன் குறித்து தன் பார்வையையும் அனுபவங்களையும் கமல்ஹாசன் பகிர்ந்து கொள்ளவிருப்பதாக அறிவிக்கப்பட்டுள்ளது

கரு பழனியப்பனின் நேற்றைய டுவீட்டுக்கு கமல்ஹாசனின் பதிலடியா? அல்லது தற்செயலாக ஜெயமோகன் குறித்து கமல்ஹாசன் பேசவுள்ளாரா? என்பது தெரியவில்லை என்றாலும் இரண்டையும் இணைத்து நெட்டிசன்கள் தங்கள் கருத்துக்களை தெரிவித்து வருகின்றனர்.