விஜய் டிவியில் பிக்பாஸ் சீசன் 7 நிகழ்ச்சி கடந்த சில நாட்களாக நடைபெற்று வரும் நிலையில் இன்று முதல் முறையாக கமல்ஹாசன் தோன்றும் எபிசோட் என்பதால் இன்றைய எபிசோடுக்கு மிகப்பெரிய எதிர்பார்ப்பு ஏற்பட்டுள்ளது. குறிப்பாக இந்த வாரம் விசித்ரா மற்றும் ஜோவிகா ஆகிய இருவரும் காரசாரமாக மோதிக்கொண்டனர்.

ஒவ்வொருவருக்கும் அடிப்படை கல்வி கற்க வேண்டும் என்றும் குறைந்தபட்சம் 12ஆம் வகுப்பு அல்லது டிகிரி படிக்க வேண்டும் என்று விசித்ரா கூற, அதற்கு ஆவேசமாக எதிர்ப்பு தெரிவித்த ஜோவிகா குழந்தைகளைப் படிக்க வைக்க கட்டாயப்படுத்தாதீர்கள், ஒரு குழந்தை படித்து தான் முன்னேற வேண்டும் என்ற அவசியம் இல்லை, குழந்தைகளை படிக்க வேண்டும் என்ற அழுத்தம் கொடுப்பதால் தான் நிறைய குழந்தைகள் தற்கொலை செய்து கொள்கிறார்கள், படிக்காமலேயே குழந்தைக்கு என்ன ஆர்வம் இருக்கிறதோ, அதில் ஈடுபட அனுமதியுங்கள் என்று கூறினார்.

ஜோவிகா பேச்சுக்கு நிறைய பேர் கைதட்டினார்கள் என்பதும் அவரை ஆதரித்தார்கள் என்பதும் குறிப்பிடத்தக்கது. ஆனால் விசித்ரா தான் சொன்னதை எல்லோரும் புரிந்து கொள்ளவில்லை என்றும், எல்லோருக்கும் அடிப்படை கல்வி முக்கியம் என்றும் தெரிவித்திருந்தார்.இந்த நிலையில் இதுகுறித்து இன்று கமல்ஹாசன் தனது கருத்தை தெரிவித்தார். அவர் பேசியபோது, ஜோவிகா, நீங்கள் எப்போதாவது கல்வி முக்கியம் இல்லை என்று சொல்லி இருக்கிறீர்களா? விசித்ரா கூறிய கருத்தில் தப்பில்லை, இது ஒரு ஜெனரேஷன் இடைவெளி. நமக்கு வரவில்லை என்றால் விட்டுவிட வேண்டும், உயிரைக் கொடுத்து கல்வி கற்க வேண்டும் என்பது முக்கியமில்லை என்று நினைப்பவன் நான். குறைகளை சொல்லும் போது உடனே கேட்டுக் கொள்ளும் மனப்பான்மை பலருக்கு இருப்பதில்லை. கற்றல் விதி இருக்கலாம், ஆனால் கற்றல் வதை இருக்க கூடாது என்று கூறுகிறார்.

கிட்டத்தட்ட இருவரும் சொல்வதும் சரி என்று கமல் கூறினாலும் கல்வி முக்கியம் என்று அவர் விசித்ராவுக்கு ஆதரவாக தான் பேசினார், இதனால் ஜோவிகா பேச்சை கேட்டு கைதட்டிய அனைத்து போட்டியாளர்களும் சைலன்ட் ஆகியுள்ளனர்.

#Day6 #Promo2 of #BiggBossTamil

Bigg Boss Tamil Season 7 - இன்று இரவு 9:30 மணிக்கு நம்ம விஜய் டிவில.. #KamalHaasan #Disneyplushotstartamil #RendulaOnnuPaakkalaam #BiggBossTamil #BBT #BBTamilSeason7 #பிக்பாஸ் #VijayTelevision #VijayTV pic.twitter.com/DGQ7hlaI4s

— Vijay Television (@vijaytelevision) October 7, 2023