பிரபல இயக்குனர் ஒருவர் தனது சமூக வலைத்தளத்தில் கமல்ஹாசன் டைம் டிராவல் பற்றிய கதை ஒன்றை தன்னிடம் சொன்னதாக பதிவு செய்துள்ளதை அடுத்து அந்த படத்தை அவர் இயக்க வாய்ப்பு இருப்பதாக கூறப்படுகிறது.

உலகநாயகன் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் உருவான ’விக்ரம்’ திரைப்படம் சமீபத்தில் வெளியாகி 400 கோடி என்ற வசூல் இலக்கை நோக்கி சென்று கொண்டிருக்கிறது.

இந்த நிலையில் பல திரையுலக பிரபலங்கள் கமல்ஹாசனை நேரில் சந்தித்து ’விக்ரம்’ பட வெற்றிக்கு வாழ்த்துக்களை தெரிவித்து வருகின்றனர். அந்த வகையில் டைம் டிராவல் படமான ‘இன்று நேற்ற் நாளை’ இயக்குனர் ரவிக்குமார் கமல்ஹாசனை நேரில் சந்தித்து வாழ்த்துக்களை தெரிவித்தார்.

இந்த சந்திப்பு குறித்து இயக்குனர் ரவிக்குமார் கூறியிருப்பதாவது: நான் வியந்து பார்த்த ஆளுமை அவரோடு எடுத்துக்கொண்ட முதல் புகைப்படம். அவரிடம் லோகேஷ் என்னை அறிமுகம் செய்துவைத்ததும், டைம் டராவல் பற்றிய ஒரு ஸ்பானிஷ் படத்தின் அம்சங்களை அவர் பகிர்ந்துகொண்டதும் இன்னும் வியப்பு குறையா நிமிடங்கள். வாழ்வின் பரவசம்’ என்று பதிவு செய்துள்ளார்.

கமல்ஹாசன் கூறிய டைம் டிராவல் திரைப்படத்தை ரவிக்குமார் இயக்குவாரா? என்பதை பொறுத்திருந்து பார்ப்போம்.
 

நான் வியந்து பார்த்த ஆளுமை அவரோடு எடுத்துக்கொண்ட முதல் புகைப்படம். அவரிடம் லோகேஷ் என்னை அறிமுகம் செய்துவைத்ததும், டைம் டராவல் பற்றிய ஒரு ஸ்பானிஷ் படத்தின் அம்சங்களை அவர் பகிர்ந்துகொண்டதும் இன்னும் வியப்பு குறையா நிமிடங்கள். வாழ்வின் பரவசம்?? @ikamalhaasan
நன்றி @Dir_Lokesh pic.twitter.com/6cVLXDWwVc

— Ravikumar R (@Ravikumar_Dir) June 18, 2022