ஏ.ஆர்.ரஹ்மான் இசையில் எனக்கு பிடிக்காத பாடல்: மனம் திறந்த கமல்ஹாசன்
- IndiaGlitz, [Saturday,June 13 2020]
நேற்று உலக நாயகன் கமல்ஹாசனும், இசைப்புயல் ஏ.ஆர்.ரஹ்மானும் ஆன்லைன் மூலம் உரையாடினர் என்பதும் இந்த உரையாடலில் ரசிகர்கள் அறியாத பல விஷயங்களை இருவரும் பகிர்ந்து கொண்டனர் என்பதும் தெரிந்ததே
அந்த வகையில் இந்த உரையாடலின்போது ஏ.ஆர்.ரஹ்மான் இசைஞானம் குறித்து புகழ்ந்து கொண்டே வந்த கமல், ஒரு கட்டத்தில் ‘இந்தியன்’ படத்தில் ரஹ்மான் கம்போஸிங் செய்த ‘கப்பலேறி போயாச்சு’ பாடல் தனக்கு முதல் தடவை கேட்டபோது பிடிக்கவில்லை என்றும், இயக்குனரிடம் தான் தன்னுடைய கருத்தை தெரிவித்துவிட்டதாகவும் கூறினார். ஆனால் அந்த பாட்டிற்கு நடிக்க மேக்கப் போட்டுவிட்டு வந்தபின்னர் அந்த பாட்டை கேட்டபோது வேற லெவலில் இருந்ததை உணர்ந்ததாகவும் தெரிவித்தார்.
மேலும் ஏ.ஆர்.ரஹ்மான் கம்போஸ் செய்ததிலேயே தனக்கு பிடித்த பாடல் இன்னொன்று இருப்பதாகவும், அந்த பாடலை நீங்கள் யாரும் கேட்கவில்லை என்பதால் அதனை இப்போது கூற முடியாது என்றும், ‘தலைவன் இருக்கின்றான்’ பாடல் குறித்து மறைமுகமாகவும் கமல் தெரிவித்தார்