முக்கால் மணி நேர சபாஷ் நாயுடு : கமல்
Friday, July 8, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
உலக நாயகன் கமல்ஹாசன் நடித்து வரும் 'சபாஷ் நாயுடு' படத்தின் முதல்கட்ட படப்பிடிப்பு சமீபத்தில் அமெரிக்காவில் உள்ள லாஸ் ஏஞ்சல்ஸ் நகரில் நடைபெற்றது என்பதையும் இந்த படத்தின் இயக்குனர் பொறுப்பையும் கமலே ஏற்றுக்கொண்டார் என்பதும் தெரிந்ததே. 'சபாஷ் நாயுடு' படக்குழுவினர் தற்போது நாடு திரும்பி, அடுத்தகட்ட படப்பிடிப்புக்கு தயாராகி வருகின்றனர்.
இந்நிலையில் இந்த படத்தின் 42 நிமிட காட்சிகளின் எடிட்டிங் பணிகளும், ஸ்ருதிஹாசனின் ஒரு பாடலின் எடிட்டிங் பணிகளும் முடிந்துவிட்டதாகவும் கமல் தனது சமூக வலைத்தளத்தில் அறிவித்துள்ளார். கிட்டத்தட்ட முக்கால் மணி நேர படத்தின் பணிகள் முடிந்துவிட்ட நிலையில் அடுத்தகட்ட படப்பிடிப்பு விரைவில் தொடங்கும் என்றும் கூறப்படுகிறது.
முதல்முறையாக கமல்ஹாசன் தனது மகள் ஸ்ருதிஹாசனுடன் இணைந்து நடித்துள்ள இந்த படத்தில் ரம்யாகிருஷ்ணன், பிரம்மானந்தம் உள்பட பலர் நடிக்கின்றனர். இசைஞானி இளையராஜா இசையமைக்கும் இந்த படத்தை கமல்ஹாசனின் ராஜ்கமல் பிலிம்ஸ் இண்டர்நேஷனல் மற்றும் லைகா நிறுவனம் இணைந்து தயாரிக்கின்றது. தமிழ், தெலுங்கு மற்றும் இந்தி என மூன்று மொழிகளில் இந்த படம் ஒரே நேரத்தில் தயாராகி வருகின்றது என்பது குறிப்பிடத்தக்கது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments