கொரோனா வைரஸ் குறித்த விழிப்புணர்வை மத்திய, மாநில அரசுகளும், அரசியல் பிரபலங்களும், திரையுலகினரும் அவ்வப்போது வெளியிட்டு வரும் நிலையில் சற்று முன்னர் உலக நாயகன் நடிகர் கமலஹாசன் இதுகுறித்த விழிப்புணர்வு வீடியோ ஒன்றை வெளியிட்டுள்ளார். அதில் அவர் கூறியதாவது:

விலகி இருத்தல் அவசியம். வீட்டில் குடும்பத்தோடு நேரத்தை செலவிடுங்கள். மனதுக்குப் பிடித்தமானவர்களுடன் போனில் தினமும் பேசுங்கள். ஆனால் வாங்க எல்லோரும் மீட் பண்ணலாம் என யாராவது கூப்பிட்டால் தயவுசெய்து செல்ல வேண்டாம். அவர்களால் நமக்கும், நம்மால் அவர்களுக்கும் பாதிப்பு ஏற்படாமல் பொறுப்பாக இருக்க வேண்டும்.

வந்தால் செய்ய வேண்டியதை வரும் முன்னாடியே செய்ய வேண்டும். விலகி இருங்கள் பாதுகாப்போடு இருங்கள். நமக்கு ஒன்றும் வராது என்ற கண்மூடித்தனமான நம்பிக்கை, மற்றும் அசட்டு தைரியத்தாலும் இந்த நோய் பரவ நாம் காரணமாக இருந்துவிடக் கூடாது. முன்னெச்சரிக்கை தான் முக்கியமான விஷயம். மறந்துவிடாதீர்கள். இவ்வாறு நடிகர் கமலஹாசன் அந்த வீடியோவில் கூறியுள்ளார்.

pic.twitter.com/Mt5dsuVOXr

— Kamal Haasan (@ikamalhaasan) March 21, 2020

pic.twitter.com/5TUEcAHfma

— Kamal Haasan (@ikamalhaasan) March 21, 2020