இனி விதைப்பது நற்பயிராகட்டும்: கமல்ஹாசன் பொங்கல் வாழ்த்து
- IndiaGlitz, [Saturday,January 13 2018]
உலக தமிழர்கள் அனைவரும் நாளை பொங்கல் பண்டிகையை உற்சாகமாக கொண்டாட தயாராகி வரும் நிலையில் அரசியல் தலைவர்கள் பொங்கல் திருநாள் நல்வாழ்த்துக்களை தெரிவித்து வருகின்றனர்.
இந்த நிலையில் விரைவில் அரசியலில் குதிக்கவிருக்கும் உலக நாயகன் கமல்ஹாசன் தனது சமூக வலைத்தளத்தில் ரசிகர்களுக்கும், பொதுமக்களுக்கும் தனது பொங்கல் வாழ்த்தை தெரிவித்துள்ளார். அவர் தனது டுவிட்டரில், 'அனைவருக்கும் பொங்கல் நன்னாள் வாழ்த்துக்கள். இனி விதைப்பது நற்பயிராகட்டும். வாழிய செந்தமிழ் வாழ்க நற்றமிழர். வாழிய பாரத மணித்திருநாடு' என்று கூறி வாழ்த்து தெரிவித்துள்ளார்.
பொங்கல் வாழ்த்து கூறிய கமல்ஹாசனுக்கு ரசிகர்கள் பதில் வாழ்த்த்துக்களை தெரிவித்து வருவதோடு இந்த ஆண்டு உங்களுடைய படத்தையும் அரசியல் வருகையையும் எதிர்பார்த்து காத்திருப்பதாக கூறி வருகின்றனர். விஸ்வரூபம் 2', 'சபாஷ் நாயுடு' ஆகிய இரண்டு படங்களும், கமல்ஹாசனின் கட்சி பெயர் அறிவிப்பும் இந்த ஆண்டு வெளிவரும் என எதிர்பார்க்கப்படுகிறது.
அனைவருக்கும் பொங்கல் நன்னாள் வாழ்த்துக்கள். இனி விதைப்பது நற்பயிராகட்டும். வாழிய செந்தமிழ் வாழ்க நற்றமிழர். வாழிய பாரத மணித்திருநாடு.
— Kamal Haasan (@ikamalhaasan) January 13, 2018