உலகநாயகன் கமல்ஹாசன் நடிப்பில், மணிரத்னம் இயக்கத்தில் உருவாகி வரும் ‘தக்ஃலைப்’ படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் இந்த படத்தின் அடுத்த கட்ட படப்பிடிப்பு மார்ச் மாதத்தில் தான் நடைபெறும் என்று தெரிகிறது.

சென்னையில் மார்ச் மாதம் இந்த படத்தின் அடுத்தகட்ட படப்பிடிப்பு நடைபெற இருக்கும் நிலையில் இந்த படப்பிடிப்பில் கமல்ஹாசன், ஜெயம் ரவி காட்சிகள் படமாக்கப்படும் என்று தெரிகிறது. இதனை அடுத்து படக்குழுவினர் அனைவரும் செர்பியா நாட்டிற்கு செல்ல இருப்பதாகவும் அங்கு தான் பிரமாண்டமாக கிளைமாக்ஸ் காட்சிகள் படமாக்கப்பட இருப்பதாகவும் கூறப்படுகிறது.

இந்த நிலையில் மார்ச் மாதம் வரை கமல்ஹாசன் ’கல்கி 2898ஏடி’ படத்தில், அன்பறிவ் இயக்கும் படத்தில் நடிக்க இருப்பதாக கூறப்படுகிறது. அது மட்டுமின்றி தேர்தல் பணிகள் வேறு இருப்பதால் அந்த பணிகளையும் அவர் செய்வார் என்று எதிர்பார்க்கப்படுகிறது.

கமல்ஹாசனின் 234 படமாக ‘தக்ஃலைப்’ உருவாகி வரும் நிலையில், 235 வது படமாக ’கல்கி 2898ஏடி’, 236வது படமாக ’இந்தியன் 3’, 237 வது படமாக அன்பறிவ் படம் ஆகியவை உருவாக உள்ளது என்பதும் அடுத்தடுத்து கமல் ரசிகர்களுக்கு குஷிப்படுத்தும் அளவிற்கு அவருடைய படங்கள் ரிலீஸ் ஆக உள்ளது என்பதும் குறிப்பிடத்தக்கது.