பிக்பாஸ் 2ஐ அடுத்து கமல்ஹாசனின் திட்டம்
- IndiaGlitz, [Monday,June 18 2018]
கமல்ஹாசன் தொகுத்து வழங்கும் 'பிக்பாஸ் 2' நிகழ்ச்சி நேற்று ஆரம்பிக்கப்பட்டுள்ளது. இந்த நிகழ்ச்சி தொடர்ந்து 100 நாட்கள் நடைபெறவுள்ளதால் இதனையடுத்து கமல்ஹாசன் தன்னுடைய 'சபாஷ் நாயுடு' படத்தின் அடுத்தகட்ட படப்பிடிப்பை தொடங்கவுள்ளதாக கூறப்படுகிறது.
கமல்ஹாசன் நடித்து, தயாரித்து இயக்கியுள 'விஸ்வரூபம் 2' படத்தின் டிரைலர் கடந்த வாரம் வெளியாகி பெரும் பரபரப்பை ஏற்படுத்திய நிலையில் இந்த படம் வரும் ஆகஸ்ட் 10ஆம் தேதி வெளியாகும் என்று அறிவிக்கப்பட்டுள்ளது. அதற்குள் பிக்பாஸ் 2 நிகழ்ச்சி கிட்டத்தட்ட இறுதி கட்டத்தை நெருங்கிவிடும்
இதன்பின்னர் 'சபாஷ் நாயுடு' படத்தின் இரண்டாம் கட்ட படப்பிடிப்பை கமல்ஹாசன் தொடங்கவுள்ளார். இந்த படத்தின் முதல்கட்ட படப்பிடிப்பு கடந்த 2016ஆம் ஆண்டு அமெரிக்காவில் நடந்தது. அதன்பின்னர் இரண்டாம் கட்ட படப்பிடிப்பு தொடங்குவதற்கு சில நாட்களுக்கு முன்னர் கமல்ஹாசன் ஒரு விபத்தில் சிக்கியதால் இந்த படப்பிடிப்பு நிறுத்தப்பட்டது.
கமல்ஹாசன், ஸ்ருதிஹாசன், ரம்யா கிருஷ்ணன் உள்பட பலர் நடிக்கவுள்ள இந்த படத்திற்கு இசைஞானி இளையராஜா இசையமைக்கவுள்ளார். தமிழ், தெலுங்கு மற்றும் இந்தி என மூன்று மொழிகளில் இந்த படம் உருவாகவுள்ளது