உலகநாயகன் கமல்ஹாசன் தற்போது ’இந்தியன் 2’ மற்றும் ’கல்கி 2898’ ஆகிய இரண்டு படங்களில் நடித்து முடித்துள்ள நிலையில் இவற்றில் ஒரு படத்தின் டீசர் தயாராக இருப்பதாகவும் இந்த டீசரின் ரன்னிங் டைம் குறித்த தகவல் வெளியாகி உள்ளதாகவும் கூறப்படுகிறது.

பிரபல தெலுங்கு நடிகர் பிரபாஸ் ஹீரோவாக நடித்துள்ள ’கல்கி 2898’ என்ற படத்தின் படப்பிடிப்பு விறுவிறுப்பாக நடைபெற்று வருகிறது.இயக்குநர் நாக் அஸ்வின் இயக்கத்தில் உருவாகி வரும் ’கல்கி 2898’ என்ற திரைப்படத்தில் பிரபாஸ் ஹீரோவாகவும் கமல் வில்லனாகவும் நடித்துள்ளனர். மேலும் இந்த படத்தில் தீபிகா படுகோனே, அமிதாப்பச்சன், திஷா பதானி உள்ளிட்ட பிரபலங்கள் நடித்து வருகின்றனர்.

இந்த நிலையில் ’கல்கி 2898’ படத்தின் டீசர் தயாராகி விட்டதாகவும் இந்த டீசரின் சென்சார் தகவல் குறித்த தகவல் கசிந்து உள்ளது. இந்த டீசரின் ரன்னிங் டைம் 1 நிமிடம் 23 வினாடிகள் என்றும் தெரியவந்துள்ளது.

இந்த டீசர் வரும் பொங்கல் திருநாளில் இணையதளங்களில் வெளியாகலாம் என்று எதிர்பார்க்கப்படுவதால் கமல் மற்றும் பிரபாஸ் ரசிகர்கள் மிகுந்த ஆர்வத்துடன் இந்த டீசரை எதிர்பார்த்து காத்திருக்கின்றனர்.