கமல்ஹாசனின் அடுத்த படத்தின் கதை: 'விக்ரம்' ஆடியோ விழாவில் பா ரஞ்சித்
- IndiaGlitz, [Sunday,May 15 2022]
உலகநாயகன் கமல்ஹாசன் நடித்த ‘விக்ரம்’ திரைப்படத்தின் ஆடியோ விழா இன்று நடைபெற்ற நிலையில் இந்த விழாவில் கலந்து கொண்ட இயக்குனர் பா ரஞ்சித் கமல்ஹாசனின் அடுத்த படத்தின் கதை என்ன என்பதை கூறியுள்ளார்
கமல் ஹாசன் நடிப்பில் பா ரஞ்சித் இயக்கத்தில் ஒரு திரைப்படம் உருவாக இருப்பதாக வெளிவந்த செய்தியை ஏற்கனவே பார்த்தோம். இந்த நிலையில் இன்று ‘விக்ரம்’ படத்தின் ஆடியோ விழாவில் கலந்து கொண்ட பா ரஞ்சித், ‘கமல்ஹாசனின் ’விருமாண்டி’ படம் தனக்கு ரொம்ப பிடித்த படம் என்றும் மிக விரைவில் மதுரை பின்னணியில் உலகநாயகன் கமல் நடிக்கும் படத்தை இயக்க உள்ளேன் என்றும் பா ரஞ்சித் கூறியுள்ளார்
கமல்ஹாசனுடன் இணைந்து மதுரை களத்தில் ஒரு படம் பண்ணவேண்டும் என்று தனக்கு தன்னுடைய நீண்ட நாள் ஆசை என்றும் அது விரைவில் நிறைவேறும் என்றும் மிக விரைவில் இது குறித்த அறிவிப்பு வெளியாகும் என்றும் கூறியுள்ளார். மதுரை களத்தில் கமல்ஹாசன் - பா ரஞ்சித் இணையும் படம் இதன் மூலம் உறுதி செய்யப்பட்டுள்ளது.