உலகநாயகன் கமல்ஹாசன் நடிக்க இருக்கும் அடுத்த படத்தின் படப்பிடிப்பு தொடங்குவதற்கு முன்னர் அந்த படத்தின் வியாபாரம் தொடங்கி விட்டதாக வெளியாகியிருக்கும் தகவல் கோலிவுட் திரையுலகில் பெரும் ஆச்சரியத்தை ஏற்படுத்தியுள்ளது.

உலகநாயகன் கமல்ஹாசன் தற்போது ஷங்கர் இயக்கத்தில் உருவாகியுள்ள ’இந்தியன் 2’ என்ற படத்தில் நடித்து முடித்துள்ளார் என்பதும் இந்த படம் மிகப்பெரிய எதிர்பார்ப்பை ஏற்படுத்தி உள்ளது என்பதும் தெரிந்ததே.

கமல்ஹாசனின் ’விக்ரம்’ படம் பெற்ற மிகப்பெரிய வெற்றி காரணமாக அவரது அடுத்தடுத்த படங்களுக்கு மிகப்பெரிய அளவில் வியாபாரம் நடக்கும் என்றும் எதிர்பார்க்கப்படுகிறது.

இந்த நிலையில் கமல்ஹாசன் நடிப்பில் ஹெச் வினோத் இயக்கத்தில் ஒரு திரைப்படம் உருவாக இருப்பதாகவும் இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்பட்டது.

இந்த நிலையில் இந்த படத்தின் டிஜிட்டல் உரிமையை நெட்பிளிக்ஸ் நிறுவனம் இதுவரை இல்லாத அளவில் மிகப்பெரிய தொகைக்கு வாங்கி இருப்பதாக கூறப்படுகிறது. ஒரு திரைப்படத்தின் அறிவிப்பு அதிகாரபூர்வமாக வெளியாக முன்னர் அந்த திரைப்படத்தின் டிஜிட்டல் விற்பனை முடிந்துள்ளது கோலிவுட் திரையுலகினர்களைஆச்சரியத்தில் ஆழ்த்தி உள்ளது என்பது குறிப்பிடத்தக்கது.