கமல்ஹாசனின் புதிய தோற்றம்: ரசிகர்களை ஆச்சரியப்பட வைக்க்கும் 'விக்ரம்'
- IndiaGlitz, [Friday,September 10 2021]
உலகநாயகன் கமல்ஹாசன் அவர்கள் தற்போது லோகேஷ் கனகராஜ் இயக்கி வரும் ‘விக்ரம்’என்ற திரைப்படத்தில் நடித்து வருகிறார் என்பதும், இந்த படத்தின் படப்பிடிப்பு தற்போது காரைக்குடியில் நடைபெற்று வருகிறது என்பதும் குறிப்பிடத்தக்கது.
இந்த நிலையில் கமல்ஹாசன் கடந்த சில ஆண்டுகளாக தாடியுடன் காட்சியளிக்கும் நிலையில் ‘விக்ரம்’படத்திலும் அதே தோற்றத்தில் காட்சி அளிப்பாரா? என்ற எண்ணம் ரசிகர்கள் மனதில் எழுந்தது.
இந்த நிலையில் அனைவரும் ஆச்சரியப்படும் வகையில் கமல்ஹாசன் ‘விக்ரம்’படத்தில் மிகவும் இளமையாக கடந்த 80களில் இருந்தது போன்ற ஒரு தோற்றத்தில் நடிக்க உள்ளதாக தகவல்கள் வெளியாகி உள்ளது. இதனை அடுத்து கமல்ஹாசன் ரசிகர்களுக்கு ‘விக்ரம்’ திரைப்படம் ஒரு செம விருந்தாக இருக்கும் என்று கருதப்படுகிறது.
கமல்ஹாசன் ஓய்வு பெற்ற போலீஸ் அதிகாரியாக நடிப்பதாக கூறப்படும் இந்த படத்தில் விஜய் சேதுபதி மற்றும் பகத் பாசில் முக்கிய கேரக்டரில் நடித்து வருகின்றனர். விஜய் சேதுபதி வில்லனாகவும் பகத் பாசில் விஞ்ஞானியாகவும் நடித்து வருவதாக கூறப்படுகிறது. மேலும் இந்த படத்தில் ஷிவானி நாராயணன், ஒரு முக்கிய கேரக்டரில் நடித்து வருகிறார். அனிருத் இசையில் உருவாகி வரும் இந்தப் படத்தை கமல் ராஜ்கமல் பிலிம்ஸ் இண்டர்நேஷனல் நிறுவனம் தயாரித்து வருகிறது என்பது குறிப்பிடத்தக்கது.