உலக நாயகன் கமல்ஹாசனின் அரசியல் கட்சி குறித்த அறிவிப்பு நாளை மறுநாள் அதிகாரபூர்வமாக அறிவிக்கப்படவுள்ள நிலையில் அவர் பல முக்கிய பிரபலங்களை அடுத்தடுத்து சந்தித்து வருகிறார். நல்லக்கண்ணு, அர்ஜூன் சம்பத், டி.என்.சேஷன், ரஜினிகாந்த், கருணாநிதி ஆகியோர்களை அடுத்தடுத்து சந்தித்து அதிரடி காட்டிய கமல்ஹாசன் இன்று இன்னொரு பிரபலத்தை சந்தித்துள்ளார்.

அவர் தான் பிரபல நடிகரும், முன்னாள் நடிகர் சங்க தலைவரும், தேசிய முற்போக்கு திராவிட கழகத்தின் பொதுச்செயலாளருமான விஜயகாந்த் என்பது குறிப்பிடத்தக்கது இந்த சந்திப்பு குறித்து கமல்ஹாசன் கூறியபோதும், 'எனது அரசியல் பயணத்திற்கு அரசியலில் மூத்தவரான விஜயகாந்தை சந்தித்து வாழ்த்து பெற்றேன். எனக்கும் ரஜினிக்கும் அரசியலுக்கு முன்னோடியான சகோதரர் விஜயகாந்தை சந்தித்து நீண்ட நாட்கள் ஆவதால் நேரில் சந்திக்க வந்தேன். திராவிட அரசியலை பின்பற்றி வெற்றி பெற்று காட்டுவேன்' என்று அவர் கூறியுள்ளார்.

மேலும் ஆன்மீக அரசியலா, பகுத்தறிவு அரசியலா? என்ற கேள்வி எழும்போது மக்கள் ஏற்க வேண்டியது நல்ல அரசை என்றும் கமல்ஹாசன் செய்தியாளர்களிடம் தெரிவித்தார்.