ஒவ்வொரு ஆண்டும் சிவில் சர்விஸ் தேர்வு என்று கூறப்படும் ஐஏஎஸ் தேர்வில் பலர் வெற்றி பெற்றிருந்தாலும் இந்த ஆண்டு கேரள மாநிலத்தை சேர்ந்த வயநாடு பகுதியின் பழங்குடியின பெண் ஸ்ரீதன்யா சுரேஷ் என்பவர் தேர்ச்சி பெற்று சாதனை படைத்துள்ளார். பழங்குடி இனத்தில் இருந்து சிவில் சர்வீஸ் தேர்வில் தேர்ச்சி பெற்ற முதல் பெண் என்ற பெருமையை இவர் பெற்றார்.

பழங்குடியின பெண் ஒருவர் ஐஏஎஸ் தேர்வில் பெற்ற செய்த செய்தி அறிந்ததுமே நடிகரும் மக்கள் நீதி மய்யம் கட்சியின் தலைவருமான கமல்ஹாசன் தனது சமூக வலைத்தள பக்கத்தில் ஸ்ரீதன்யாவுக்கு வாழ்த்து தெரிவித்திருந்தார் என்பதை ஏற்கனவே பார்த்தோம்

இந்த நிலையில் இன்று ஸ்ரீதன்யாவை சென்னைக்கு வரவழைத்த கமல்ஹாசன் அவரை நேரில் சந்தித்து அவருக்கு வாழ்த்து தெரிவித்தார். கமல்ஹாசனை ஸ்ரீதன்யா சந்தித்தது குறித்த புகைப்படம் இணையதளங்களிலும் சமூக வலைத்தளங்களிலும் வைரலாகி வருகிறது