40 ஆண்டுகால ஹாலிவுட் நண்பரை சந்தித்த கமல்ஹாசன்.. இணைந்து பணியாற்றிய மலரும் நினைவுகள்..!
- IndiaGlitz, [Wednesday,July 26 2023]
உலகநாயகன் கமல்ஹாசன் சமீபத்தில் அமெரிக்கா சென்று உள்ள நிலையில் அங்கு அவர் 40 ஆண்டு கால ஹாலிவுட் நண்பரை சந்தித்ததாகவும், இருவரும் இணைந்து பணிபுரிந்த மலரும் நினைவுகளை பகிர்ந்து கொண்டதாக தகவல் வெளியாகியுள்ளன.
கமல்ஹாசன் நடித்த ’இந்தியன்’ ’அவ்வை சண்முகி’ ’தசாவதாரம்’ உள்ளிட்ட படங்களில் மேக்கப் கலைஞராக பணியாற்றியவர் ஹாலிவுட் மேக்கப் கலைஞர் மைக் வெஸ்ட்மோர்.
இந்த நிலையில் சமீபத்தில் 'கல்கி 2898 ஏடி’ என்ற படத்தின் புரமோஷனுக்காக அமெரிக்கா சென்ற கமல்ஹாசன் மேக்கப் கலைஞர் மைக் வெஸ்ட்மோர் அவர்களை சந்தித்தார்.
ஆஸ்கர் விருது பெற்ற மேக்கப் கலைஞர் வெஸ்ட்மோர் உடனான 40 ஆண்டு கால நட்பை கமல்ஹாசன் நினைவு கூர்ந்தார் என்றும் அவருடன் தனது மலரும் நினைவுகளை பகிர்ந்து கொண்டதாகவும் கூறப்படுகிறது. இது குறித்த புகைப்படம் இணையதளங்களில் வைரல் ஆகி வருகிறது.