உலக நாயகனும் மக்கள் நீதி மய்யம் கட்சியின் தலைவருமான கமல்ஹாசன் அவர்கள் தற்போது தீவிர தேர்தல் பிரசாரத்தில் ஈடுபட்டு வருகிறார் என்பது தெரிந்ததே. கடந்த சில வாரங்களுக்கு முன்னர் அவர் தனது காலில் அறுவை சிகிச்சை செய்து கொண்டு ஓய்வு எடுத்த பின் தற்போது அவர் பிரச்சாரத்தை தொடங்கி உள்ளார்

இந்த நிலையில் இன்று காலை அவர் தான் போட்டியிடும் கோவை தெற்கு தொகுதியில் பிரச்சாரத்தில் ஈடுபட்டு இருந்தார். கோவை பூ மார்க்கெட் அருகே அவர் நடைபயிற்சி மேற்கொண்டே பிரச்சாரம் செய்த போது அவருடன் செல்பி எடுக்க ஆர்வத்துடன் சிலர் கூடினர். அப்போது ஒவ்வொரு சிலர் தவறாக கமலின் காலை மிதித்து விட்டதாக தெரிகிறது

இதனை அடுத்து அவரது ஆபரேசன் செய்த கால் வீங்கி விட்டது என்றும் இதுகுறித்து உடனடியாக அவர் மருத்துவமனைக்கு சென்று ஆலோசனை செய்ததாகவும் கூறப்படுகிறது. ஆபரேஷன் செய்த காலில் வீக்கம் இருப்பதால், கமல்ஹாசன் ஓய்வு எடுக்க வேண்டும் என்று மருத்துவர்கள் அறிவுறுத்தி இருப்பதாகவும், இதனை அடுத்து அவர் தனது பிரச்சாரத்தில் சில மாற்றங்கள் செய்யப்போவதாகவும் இடையிடையே ஓய்வு எடுத்து அதன் பின் அவர் பிரசாரம் செய்வார் என்றும் தகவல்கள் வெளிவந்துள்ளன