அரசியலில் கமல்ஹாசன் அப்ரண்டீஸ்: ஜெயகுமார்
- IndiaGlitz, [Thursday,April 05 2018]
கடந்த சிலநாட்களாகவே கமல்ஹாசனை அமைச்சர் ஜெயகுமார் விமர்சனம் செய்வதும், அதற்கு கமல்ஹாசன் நக்கல் நையாண்டியுடன் பதில் சொல்வதுமாக நடந்து வருகிறது.
நேற்று காலை அரசியல்வாதி என ஏற்றுக்கொள்ளும் அளவிற்கு கமல்ஹாசனுக்கு பக்குவம் கிடையாது என்றும், கமல்ஹாசனிடம் நடிகருக்கு உள்ள பண்பு மட்டுமே இருப்பதாகவும் அமைச்சர் ஜெயகுமார் தெரிவித்திருந்தார்
இதற்கு நேற்று திருச்சியில் நடைபெற்ற மாநாட்டில் பதிலளித்த கமல், 'தான் சினிமாவில் அரசியல் செய்ததில்லை என்றும், அரசியலில் நடிக்கபோவதில்லை என்றும் கூறினார். மேலும் அமைச்சர் ஒருவர் தன்னிடம் சம்பளம் வாங்காத தொடர்பாளராக பணியாற்றி வருவதாகவும் குறிப்பிட்டார்
இந்த நிலையில் இன்று செய்தியாளர்களுக்கு பேட்டியளித்த அமைச்சர் ஜெயகுமார், 'அரசியலில் கமல்ஹாசன் ஒரு அப்ரண்டீஸ் என்றும் அவர் இன்னும் அரசியலில் தெரிந்து கொள்ள வேண்டியது அதிகம் இருக்கின்றது என்றும் தெரிவித்தார்