உலக நாயகன் கமலஹாசன் நடித்த சூப்பர் ஹிட் படமான ‘விக்ரம்’ திரைப்படம் 300 கோடி ரூபாய் வசூலை தாண்டிய 400 கோடி ரூபாயை நெருங்கிக் கொண்டிருப்பதாக தகவல் வெளியாகியுள்ளன. இந்த நிலையில் திரையரங்குகளில் வெளியாகி மிகப்பெரிய வெற்றி பெற்ற ‘விக்ரம்’ திரைப்படத்தின் ஓடிடி ரிலீஸ் குறித்த தகவல் கசிந்துள்ளது.

‘விக்ரம்’ திரைப்படத்தின் ஓடிடி ரிலீஸ் உரிமையை ஹாட்ஸ்டார் பெற்றுள்ள நிலையில் இந்த ஓடிடியில் ‘விக்ரம்’ திரைப்படம் ஜூலை 8ஆம் தேதி வெளியாக வாய்ப்பிருக்கிறது. பொதுவாக மாஸ் நடிகர்களின் திரைப்படங்கள் தியேட்டரில் வெளியாகி சரியாக ஒரே மாதத்தில் ஓடிடியில் வெளியாகி வருகின்றன என்பதை பார்த்து வருகிறோம்.

அந்த வகையில் ஜூன் 3ஆம் தேதி வெளியான ‘விக்ரம்’ திரைப்படம் ஜூலை 8ஆம் தேதி ஓடிடியில் வெளியாக இருப்பதாகவும், இதுகுறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது. திரையரங்குகள் போலவே ஓடிடியிலும் இந்த படம் மிகப் பெரிய வரவேற்பை பெறும் என்று எதிர்பார்க்கப்படுகிறது.