கமல்ஹாசன் படத்தில் விஜய் நடிக்க இருப்பதாகவும், விஜய் படத்தில் கமல்ஹாசன் சிறப்பு தோற்றத்தில் நடிக்க இருப்பதாகவும் வேற லெவலில் ஒரு தகவல் இணையத்தில் வைரல் ஆகி வருகிறது.

தளபதி விஜய் நடிக்க இருக்கும் 69ஆவது திரைப்படத்தை எச் வினோத் இயக்க இருப்பது உறுதி செய்யப்பட்டுள்ள நிலையில் இந்த படம் குறித்த அதிகாரபூர்வ அறிவிப்பு விரைவில் வெளியாக உள்ளது.

இந்த நிலையில் இந்த படத்தின் கதை ஏற்கனவே கமல்ஹாசனிடம் எச் வினோத் சொல்லி திரைப்படமாக உருவாக இருந்தது. கமல்ஹாசன் 233வது படமாக இந்த படம் உருவாக இருந்த நிலையில் திடீரென அந்த படம் டிராப் செய்யப்பட்டது.

இந்த நிலையில் அதே கதையை தான் ’தளபதி 69’ படத்திற்காக விஜய் இடம் சொல்லி எச். வினோத் அனுமதி பெற்றதாகவும் கூறப்படுகிறது. எனவே கமல்ஹாசன் நடிக்க இருந்த படம் தான் விஜய்யின் ’தளபதி 69’ படமாக உருவாக இருப்பதாக கூறப்படுகிறது.

இந்த நிலையில் தற்போது ’தளபதி 69’ படத்தில் கமலஹாசன் சிறப்பு தோற்றத்தில் நடிக்க இருப்பதாக கூறப்படுவது தான் வேற லெவல் தகவல் என்பது குறிப்பிடத்தக்கது. முதல் முறையாக கமல்ஹாசன் மற்றும் விஜய் இணைந்து நடிக்க இருப்பதாக கூறப்படும் நிலையில் இந்த தகவல் உறுதி செய்யப்பட்டால் இந்த படம் வேற லெவல் எதிர்பார்ப்பை ஏற்படுத்தும் என்பது குறிப்பிடத்தக்கது.