கமல்ஹாசனின் அடுத்த ஐந்து படங்கள்: லிஸ்ட்டில் இந்த இயக்குனருமா?
- IndiaGlitz, [Monday,August 01 2022]
உலக நாயகன் கமல்ஹாசன் நடித்த ’விஸ்வரூபம் 2’ என்ற திரைப்படம் கடந்த 2018ஆம் ஆண்டு வெளியான நிலையில் நான்கு ஆண்டுகள் அவருடைய படம் எதுவும் வெளியாகவில்லை. இதனால் அவரது ரசிகர்கள் கடும் அதிருப்தியில் இருந்த நிலையில் இந்த ஆண்டு வெளியான ’விக்ரம்’ திரைப்படம் மிகப்பெரிய வெற்றி பெற்று அவரது ரசிகர்களை மகிழ்ச்சிக்கு உள்ளாக்கியது.
இந்த நிலையில் ’விக்ரம்’ படத்தின் வெற்றி காரணமாக தற்போது கமல்ஹாசன் 5 திரைப்படங்களில் அடுத்தடுத்து நடிக்க உள்ளதாக தகவல்கள் வெளியாகியுள்ளன. ஏற்கனவே கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படத்தின் படப்பிடிப்பு விரைவில் தொடங்க உள்ளதாக கூறப்படுகிறது. மேலும் மகேஷ் நாராயணன் இயக்கத்தில் கமல்ஹாசன் ஒரு படத்தில் நடிக்க இருப்பதாக அதிகாரப்பூர்வமாக அறிவிக்கப்பட்டுள்ளது.
மேலும் இயக்குனர் பா ரஞ்சித் இயக்கத்தில் கமல்ஹாசன் ஒரு படத்தில் நடிக்க இருப்பதாகவும் மதுரையை அடிப்படையாக கொண்ட இப்படத்தின் படப்பிடிப்பு விரைவில் தொடங்கும் என்றும் கூறப்படுகிறது. மேலும் ’விக்ரம்’ படத்தின் மூன்றாம் பாகத்தை லோகேஷ் கனகராஜ் விரைவில் இயக்குவார் என்றும் இந்தப் படம் குறித்த அறிவிப்பு விரைவில் வெளியாகும் என்று கூறப்படுகிறது.
இந்த நிலையில் கமல்ஹாசனின் அடுத்த திரைப்படம் தான் ஆச்சரியத்தின் உச்சமாக பார்க்கப்படுகிறது. அஜித்தின் ’நேர்கொண்ட பார்வை’ ’வலிமை’ மற்றும் ’ஏகே 61’ ஆகிய படங்களை இயக்கிய எச் வினோத், கமல்ஹாசனின் படம் ஒன்றை இயக்க இருப்பதாகவும் இது அரசியல் சம்பந்தப்பட்ட கதை என்றும் கூறப்படுகிறது.
மொத்தத்தில் உலகநாயகன் மீண்டும் திரையுலகில் மீண்டும் விஸ்வரூபம் எடுத்துள்ளதை அடுத்து அவரது ரசிகர்கள் மகிழ்ச்சியின் உச்சத்தில் உள்ளனர் என்பது குறிப்பிடத்தக்கது.