உலகம் முழுவதும் ஒவ்வொரு ஆண்டும் மே 1ஆம் தேதி மே தின கொண்டாட்டம் நடைபெறும் நிலையில் இந்த கொரோனா பரபரப்பிலும் பல நாடுகளில் குறிப்பாக இந்தியாவில் மே தின கொண்டாட்டம் ஆங்காங்கே நடைபெற்று வருகிறது. சமூக வலைத்தளங்களில் மே தின வாழ்த்துக்களை குடியரசு தலைவர், பிரதமர் முதல் அனைத்து அரசியல்வாதிகள், திரையுலக பிரபலங்களும் தெரிவித்து வருகின்றனர்.

இந்த நிலையில் உலக நாயகன் நடிகர் கமல்ஹாசன் அவர்களும் தனது சமூக வலைத்தளத்தில் மே தின வாழ்த்துக்களை தெரிவித்துள்ளார். அவர் மே தினம் குறித்து கூறியதாவது: நாட்டின் பொருளாதாரத்தை கட்டமைத்திடும் ஒவ்வொரு தொழிலாளியின், தனி பொருளாதாரமும் பலப்பட வாழ்த்துகிறேன். உழைப்பை மூலதனமாக்கி உயரும் வாழ்வு தாமதமாகலாம், தடைபடாது. இந்நிலை மாறும், தொழிலாளர் வாழ்வு ஏற்றம் பெறும். நம்பிக்கையுடன்.. என்று குறிப்பிட்டுள்ளார்.

கமல்ஹாசனின் இந்த டுவிட்டுக்கு லைக்ஸ்கள் குவிந்து வருவதோடு, சமூக வலைத்தளங்களில் வைரலாகியும் வருகிறது என்பது குறிப்பிடத்தக்கது.

நாட்டின் பொருளாதாரத்தை கட்டமைத்திடும் ஒவ்வொரு தொழிலாளியின், தனி பொருளாதாரமும் பலப்பட வாழ்த்துகிறேன்.

உழைப்பை மூலதனமாக்கி உயரும் வாழ்வு தாமதமாகலாம், தடைபடாது.

இந்நிலை மாறும், தொழிலாளர் வாழ்வு ஏற்றம் பெறும். நம்பிக்கையுடன்..

— Kamal Haasan (@ikamalhaasan) May 1, 2020