நடிகர் கமல்ஹாசன் சமீபத்தில் 'மக்கள் நீதி மய்யம்' என்ற ஒரு அரசியல் கட்சியை ஆரம்பித்து தமிழகத்தின் பல நகரங்களுக்கும் சுற்றுப்பயணம் செய்து வருகிறார் என்பது தெரிந்ததே. இந்த நிலையில் அவர் தற்போது குமரி மாவட்டத்தில் சுற்றுப்பயணம் செய்து பொதுமக்களை நேரடியாக சந்தித்து வருகிறார்.

இந்த நிலையில் இன்று அவர் கன்னியாகுமரி மாவட்டத்தில் சுற்றுப்பயணம் மேற்கொண்டு வந்தபோது வழியில் ஒரு பெண் விபத்துக்குள்ளாகி ஆம்புலன்ஸ்காக காத்திருந்தவர்களை பார்த்தார். உடனடியாக ஆம்புலன்ஸ் வரும் வரை காத்திருக்க வேண்டாம் என்று கூறி தனது காரை கொடுத்து அந்த பெண்ணை அருகில் உள்ள மருத்துவமனைக்கு அனுப்பி வைத்தார்

கமல்ஹாசனின் இந்த மனிதாபிமான செயலால் அந்த பெண் சரியான நேரத்தில் சிகிச்சை பெற்றதாகவும், இதனால் அந்த பெண் ஆபத்தில் இருந்து தப்பிவிட்டதாகவும் செய்திகள் வெளிவந்துள்ளது.

கமல்ஹாசனின் இந்த உதவியை சமூக வலைத்தள பயனாளிகள் பாராட்டி வருகின்றனர்.