கமல்ஹாசனின் சொத்துமதிப்பு எத்தனை கோடி? வேட்புமனுவில் குறிப்பிட்டுள்ள தகவல்
- IndiaGlitz, [Tuesday,March 16 2021]
உலகநாயகன் கமல்ஹாசன் அவர்கள் வரும் தேர்தலில் கோவை தெற்கு தொகுதியில் போட்டியிட உள்ள நிலையில் இந்த தொகுதியில் போட்டியிடுவதற்காக நேற்று வேட்பு மனு தாக்கல் செய்தார். அப்போது அதில் அவர் தனது சொத்து மதிப்புகள் குறித்து குறிப்பிடப்பட்டுள்ளார்.
இதன்படி கமல்ஹாசனுக்கு 2019-2020 ஆம் ஆண்டில் மொத்த வருமானம் 22.11 கோடி என குறிப்பிடப்பட்டுள்ளது. அதேபோல் தன்னிடம் எந்த விதமான தங்க நகைகளும் இல்லை என்றும் அசையும் சொத்துக்கள் 45.09 கோடி என்றும் அசையா சொத்துக்கள் 131.84 கோடி என்றும் குறிப்பிடப்பட்டு உள்ளது. இதனை அடுத்து தனது மொத்த சொத்து மதிப்பு 176.93 கோடி என கமல் தெரிவித்துள்ளார். மேலும் தனக்கு 49.5 கோடி கடன் இருப்பதாகவும் அவர் தனது மனுவில் குறிப்பிட்டுள்ளார்.
இதேபோல் தமிழக முதல்வர் எடப்பாடி பழனிச்சாமிக்கு 6.7 கோடி சொத்து இருப்பதாகவும். துணை முதல்வர் ஓ பன்னீர்செல்வம் அவர்களுக்கு 7.2 கோடி சொத்து இருப்பதாகவும், திமுக தலைவர் மு க ஸ்டாலின் அவர்களுக்கு 8.88 கோடி சொத்து இருப்பதாகவும்,டிடிவி தினகரனுக்கு 12.27 கோடியும் சீமானுக்கு 1.25 கோடியும் சொத்துக்கள் இருப்பதாக தங்களது வேட்புமனுவில் தெரிவித்துள்ளனர்.