பரமக்குடியில் குவிந்த கமல்ஹாசன் குடும்பத்தினர்
- IndiaGlitz, [Thursday,November 07 2019]
உலக நாயகன் கமல்ஹாசன் இன்று தனது பிறந்த நாளை கொண்டாடி வரும் நிலையில் அவர் பிறந்து வளர்ந்து சொந்த ஊரான பரமக்குடியில் அவருடைய தந்தை சிலை இன்று திறக்கப்படுகிறது. கமல்ஹாசன் தனது தந்தையின் சிலையை திறந்து வைக்கும் இந்த நிகழ்ச்சியில் பங்கேற்க அவரது குடும்பத்தை சேர்ந்தவர்கள் பரமக்குடியில் குவிந்துள்ளனர்.
மும்பையில் தங்களது தாயாருடன் வசித்து வரும் கமல்ஹாசன் மகள்களான ஸ்ருதிஹாசன், அக்சராஹாசன் ஆகியோர்களும் கமல்ஹாசனின் சகோதரர் சாருஹாசன் மற்றும் அவரது குடும்பத்தை சார்ந்த அனைவரும் தற்போது பரமக்குடியில் உள்ளனர். அதேபோல் இயக்குனர் மணிரத்னம் மனைவியும் சாருஹாசன் மகளுமான சுஹாசினியும் பரமக்குடிக்கு வருகை தந்துள்ளார்.
நீண்ட நாட்களுக்கு பின்னர் கமல்ஹாசன் குடும்பத்தினர் ஒரே இடத்தில் ஒரே நாளில் சந்திப்பதால் அக்குடும்பத்தினர் அனைவரும் மகிழ்ச்சியில் உள்ளனர். இன்று மாலை நடைபெறும் கமல்ஹாசனின் தந்தை சிலை திறப்பு விழாவில் அனைவரும் கலந்து கொள்ளவுள்ளனர்.