உலகநாயகன் கமல்ஹாசன் அவர்கள் கடந்த சில நாட்களாக கொரோனா பாதிப்பு காரணமாக மருத்துவமனையில் சிகிச்சை பெற்று வந்த நிலையில் இன்று அவர் டிஸ்சார்ஜ் செய்யப்பட்டார் என்பது குறிப்பிடத்தக்கது.

கடந்த சில நாட்களுக்கு முன்னர் அமெரிக்கா சென்று திரும்பிய கமல்ஹாசனுக்கு கொரோனா பாதிப்பு ஏற்பட்டது. இதனை அடுத்து சென்னை போரூரில் உள்ள தனியார் மருத்துவமனையில் அனுமதிக்கப்பட்ட அவர் சிகிச்சை பெற்று வந்தார் என்பதும் அவரது உடல் நிலை படிப்படியாக சீரானது என்பதும் குறிப்பிடத்தக்கது.

இந்த நிலையில் இன்று காலை கமல்ஹாசன் மருத்துவமனையில் இருந்து டிஸ்சார்ஜ் செய்யப்பட்ட நிலையில் அவர் மருத்துவமனையில் இருந்து வெளியேறி காரில் செல்லும் காட்சிகளின் புகைப்படங்கள் மற்றும் வீடியோக்கள் இணையதளங்களில் வைரலாகி வருகிறது.

இந்த நிலையில் கமல்ஹாசனின் மக்கள் நீதி மய்யத்தின் ட்விட்டர் பக்கத்தில் ’கொரோனா தொற்றில் இருந்து பூரண குணமடைந்து இன்று காலை மருத்துவமனையில் இருந்து டிஸ்சார்ஜ் செய்யப்பட்ட தலைவர் தனது அன்றாட கடமைகளை சிறப்பாக ஆற்ற தயாராக உள்ளார் எனக் குறிப்பிடப்பட்டுள்ளது. இதனை அடுத்து இன்று அவர் பிக்பாஸ் நிகழ்ச்சியின் படப்பிடிப்பில் கலந்து கொள்வார் என்று எதிர்பார்க்கப்படுகிறது.

கொரோனா பெருந்தொற்றிலிருந்து பூரண குணமடைந்து இன்று காலை மருத்துவமனையிலிருந்து தலைவர் டிஸ்சார்ஜ் செய்யப்பட்டார். தனது அன்றாடக் கடமைகளை சிறப்புற ஆற்ற தயாராக உள்ளார். pic.twitter.com/nHb96hhKQ4

— Makkal Needhi Maiam | மக்கள் நீதி மய்யம் (@maiamofficial) December 4, 2021