பாராளுமன்ற தேர்தலில் போட்டியிடுகிறேன்: தொகுதியை அறிவித்த கமல்ஹாசன்..!
- IndiaGlitz, [Friday,September 22 2023]
2024 ஆம் ஆண்டு பாராளுமன்ற தேர்தல் நடைபெற இருக்கும் நிலையில் இந்த தேர்தலில் போட்டியிட போவதாக உலகநாயகன் நடிகர் மற்றும் மக்கள் நீதி மய்யம் கட்சியின் தலைவர் கமல்ஹாசன் தெரிவித்துள்ளார்.
இன்று கோவையில் மக்கள் நீதி மய்யம் கட்சியின் ஆலோசனை கூட்டம் நடைபெற்றது. இந்த கூட்டத்தில் மக்கள் நீதி மய்யம் கட்சியின் நிர்வாகிகள் மத்தியில் கமல்ஹாசன் பேசினார். கோவையில் தனக்கு பெரும் ஆதரவு இருப்பதாக கூறிய கமல்ஹாசன் வரும் நாடாளுமன்ற தேர்தலில் கோவையில் தான் போட்டியிடுவேன் என்று தெரிவித்தார். மேலும் 40 தொகுதிகளிலும் தொண்டர்கள் போட்டியிட தயாராக இருக்க வேண்டும் என்றும் நிர்வாகிகளிடம் அவர் கேட்டுக்கொண்டார்.
ஏற்கனவே கடந்த 2021 ஆம் ஆண்டு நடந்த சட்டமன்ற தேர்தலின் போது கோவை கிழக்கு தொகுதியில் கமல்ஹாசன் போட்டியிட்டு தோல்வி அடைந்தார் என்பது குறிப்பிடத்தக்கது.