வரும் மக்களவை தேர்தலில் 40 தொகுதிகளுக்கும் வேட்பாளர்களை அறிவித்துவிட்டு, திமுக, அதிமுக என இரண்டு திராவிட கட்சிகளையும் மாறி மாறி கடுமையாக விமர்சனம் செய்து வருகிறார் நடிகரும் மக்கள் நீதி மய்யம் கட்சியின் தலைவருமான கமல்ஹாசன். இந்த நிலையில் ராதாரவி விஷயத்தில் திமுக எடுத்த நடவடிக்கைக்கு அவர் பாராட்டு தெரிவித்துள்ளார்.

இதுகுறித்து மேலும் அவர் கூறியபோது, '"எங்க துறையை சேர்ந்த பொண்ணு நயன்தாரா, அவர மரியாதையோட நடத்த வேண்டிய முதல் கடமை எங்களுடையது. கலைத்துறையில் உள்ள ஒருவரே கலைத்துறையில் உள்ள ஒரு பெண்ணை தவறாக பேசியது வருந்தத்தக்க ஒன்று. இதனை கண்டிக்க வேண்டியவர்கள் கண்டிப்பார்கள் என்று நம்புகிறேன்' என்று கூறினார்.

மேலும் ராதாரவி மீது நடவடிக்கை எடுத்த திமுகவுக்கு எனது பாராட்டுக்கள் என்று கமல்ஹாசன் கூறினார்.

"எங்க துறையை சேர்ந்த பொண்ணு நயன்தாரா,அவர மரியாதையோட நடத்தவேண்டிய முதல் கடமை எங்களுடையது. ராதாரவியை தூக்கினதுக்கு திமுகவிற்கு பாராட்டுக்கள்" -கமல்ஹாசன்.

அடிக்கவேண்டிய எடத்துல அடி
பாராடவேண்டிய எடத்துல பாராட்டு
தலைவன்னா இப்பிடி இருக்கனும் - @ikamalhaasan ??@NayantharaU #RadhaRavi pic.twitter.com/JchZlVoQXK

— ???????? ✺ ???????????????? ?? (@Mass_Maharaja) March 25, 2019