காவல்துறையினரால் கமலஹாசன் துன்புறுத்தப்படுவதாக சென்னை உயர்நீதிமன்றத்தில் மனு ஒன்று தாக்கல் செய்யப்பட்டுள்ளதால் பெரும் பரபரப்பு ஏற்பட்டுள்ளது

சமீபத்தில் கமலஹாசன் நடிப்பில் இயக்குநர் ஷங்கர் இயக்கி வந்த ’இந்தியன் 2’ படத்தின் படப்பிடிப்பில் கிரேன் விழுந்து ஏற்பட்ட விபத்தில் 3 பேர் பலியாகினர். இந்த விபத்து குறித்து ஏற்கனவே கமலஹாசன் மற்றும் ஷங்கர் ஆகியோர்களை காவல்துறையினர் விசாரணை செய்து விட்டனர் என்பது குறிப்பிடத்தக்கது

இந்த நிலையில் காவல்துறையினர் மீண்டும் விசாரணை என்ற பெயரில் தன்னை துன்புறுத்தியதாக கமலஹாசன் அவர்கள் சென்னை உயர் நீதிமன்றத்தில் மனு ஒன்றை தாக்கல் செய்துள்ளார். இந்த மனுவை அவசர மனுவாக விசாரணை செய்ய சென்னை உயர்நீதிமன்றம் ஒப்புக் கொண்டிருப்பதாகவும், இன்று மாலை இந்த மனு விசாரணைக்கு வரும் என்று எதிர்பார்க்கப்படுவதாகவும் கூறப்படுகிறது

கமலஹாசன் போன்ற ஒரு பிரபல நடிகரையே காவல்துறையினர் துன்புறுத்துவதாக எழுந்த குற்றச்சாட்டு பெரும் பரபரப்பை ஏற்படுத்தி உள்ளது