தனது அண்ணன் மற்றும் தம்பி ஆகிய இருவருக்கும் இன்று ஒரே நாளில் பிறந்தநாள் வருவதை அடுத்து தனக்கு இரட்டிப்பு சந்தோஷம் ஏற்பட்டுள்ளதாக உலகநாயகன் கமல்ஹாசன் தனது எக்ஸ் பக்கத்தில் ட்வீட் செய்துள்ளார்.

இசைஞானி இளையராஜா மற்றும் இயக்குனர் மணிரத்னம் ஆகிய இருவரும் இன்று தங்களது பிறந்த நாளை கொண்டாடி வரும் நிலையில் ரசிகர்கள் மற்றும் திரையுலக பிரபலங்கள் அவர்களுக்கு தங்களது வாழ்த்துக்களை சமூக வலைதளங்கள் மூலம் தெரிவித்து வருகின்றனர்.

இந்த நிலையில் இன்று ஒரே நாளில் இளையராஜா, மணிரத்னம் என இரண்டு ஜாம்பவான்களுக்கு பிறந்த நாளை அடுத்து தனக்கு இரட்டிப்பு சந்தோஷம் என கமல்ஹாசன் ட்வீட் செய்துள்ளார். அந்த ட்வீட்டில் அவருக்கு ஒரு இருப்பதாவது:

இரட்டிப்பு சந்தோஷம் என்பது தமிழில் ஒரு விந்தையான சொற்றொடர். சந்தோஷத்திற்கு அளவீடு இருக்க முடியுமா என்ன? ஆனால் அதற்கு ஓர் உதாரணம் போன்றதுதான் இன்றைய நாள் எனக்கு.

மூன்று சகோதரர்களில் அண்ணனுக்கும் இன்று பிறந்தநாள், தம்பிக்கும் இன்று பிறந்தநாள் என்கிற மகிழ்வான தருணம் இது.

இசையில் கதையைச் சொல்லிவிடும் என் அன்பான அண்ணன் இளையராஜா; திரை எழுத்தில் ஒரு ரீங்காரத்தைச் சேர்த்து விடும் அன்புத் தம்பி மணிரத்தினம்... பிறந்தநாளில் இருவரையும் மனம் இனிக்கும் மகிழ்ச்சியோடு ஆரத்தழுவி வாழ்த்துகிறேன்.

எங்கள் மூவரின் கலைச்சொந்தம் என்றென்றும் தொடர்க.

இரட்டிப்பு சந்தோஷம் என்பது தமிழில் ஒரு விந்தையான சொற்றொடர். சந்தோஷத்திற்கு அளவீடு இருக்க முடியுமா என்ன? ஆனால் அதற்கு ஓர் உதாரணம் போன்றதுதான் இன்றைய நாள் எனக்கு.

மூன்று சகோதரர்களில் அண்ணனுக்கும் இன்று பிறந்தநாள், தம்பிக்கும் இன்று பிறந்தநாள் என்கிற மகிழ்வான தருணம் இது.

இசையில்… pic.twitter.com/CkN1tCQ6Ey

— Kamal Haasan (@ikamalhaasan) June 2, 2024