விஜய்சேதுபதிக்கு வித்தியாசமாக பிறந்த நாள் வாழ்த்து கூறிய கமல்ஹாசன்!
- IndiaGlitz, [Sunday,January 16 2022]
நடிகர் விஜய் சேதுபதி இன்று தனது பிறந்தநாளை கொண்டாடி வரும் நிலையில் அவருக்கு திரையுலக பிரபலங்கள், ரசிகர்கள் ஆகியோரும் பிறந்தநாள் வாழ்த்துக்களை தெரிவித்து வருகின்றனர்
இந்த நிலையில் உலக நாயகன் கமல்ஹாசன் தனது பாணியில் வித்தியாசமாக அவருக்கு பிறந்தநாள் வாழ்த்துக்களை தெரிவித்துள்ளார். இதுகுறித்து அவர் தனது டுவிட்டரில் கூறியிருப்பதாவது: சந்தையின் பின்னே போகாமல் தனக்கென ஒரு தேடலைக் கொண்டவர் தம்பி
விஜய்சேதுபதி. கதையின் நாயகனாகத் தன்னை முன்னிறுத்திக்கொள்ளும் அடுத்த தலைமுறையின் முக்கியமான நடிகர். அவரது தேடலும் துணிச்சலும் வீண்போகாது. தம்பி விஜய்சேதுபதிக்கு என் மனமார்ந்த பிறந்தநாள் நல்வாழ்த்துக்கள்.
கமல்ஹாசன், விஜய் சேதுபதி இணைந்து நடித்து வரும் திரைப்படம் ‘விக்ரம்’ என்பதும் இந்த படத்தின் படப்பிடிப்பு கிட்டத்தட்ட முடிந்து விட்டது என்பதும் வரும் கோடை விடுமுறையில் இந்த படம் வெளியாகும் என எதிர்பார்க்கப்படுகிறது.
மிக்க நன்றி சார் ☺️ https://t.co/H7ZROWzX4a
— VijaySethupathi (@VijaySethuOffl) January 16, 2022