பிக் பாஸ் நிகழ்ச்சி 75 நாட்களைத் தாண்டி இறுதி கட்டத்தை நெருங்கி வரும் நிலையில் இன்றைய புரோமோவில் ’பிக் பாஸ் போட்டியாளர்கள் நிகழ்ச்சிக்காக தன்னை மாற்றி கொண்டனர், ஆனால் மனம் மாறாமல் இருப்பவர்கள் யார் யார்’ என்று கமல்ஹாசன் கேட்டார்.

அப்போது விசித்ராவை தினேஷ் கூறினார், இதனை அடுத்து மாயாவை சொல்வதாக அர்ச்சனா கூறினார். மாயா தற்போது தன்னை மாற்றி கொண்டதாக எனக்கு தோணுகிறது என்று கூறினார்.

இதனை அடுத்து விஷ்ணு பூர்ணிமாவை சொல்வதாக கூறினார். அவர் ஒரு மாதிரி வில்லத்தனமாக இருந்ததாக அவரிடமே கூறி இருந்தேன், ஆனால் இப்ப இருக்குற பூர்ணிமா, ரியல் பூர்ணிமா என்று நான் நினைக்கிறேன் என்று கூறினார்.

இதனை அடுத்து நிக்சன், ’தினேஷ் அண்ணா என்று நினைக்கிறேன், அவர் வேற மாதிரி தன்னை காட்டுகிறார்’ என்று கூறிய போது ’நீங்கள் எப்படி இருக்கிறீர்கள்? என கமல்ஹாசன் இடைமறித்தார்

அதற்கு நிக்சன், ‘தெரியல சார் நான் ஒரு மாதிரி இருந்தேன்’ என்று கூறிய போது குணம் மாறவில்லை என்பதை நான் குற்றமாக கூற மாட்டேன், ஆனால் மனம் மாறினார்கள், பாருங்கள், அதுதான் முக்கியம். சத்தியமேவ ஜெயதே, அதுதான் ஜெயிக்கும்’ என்று கமல்ஹாசன் கூறினார்.