கமல்ஹாசன் நடித்த 'விஸ்வரூபம் 2' சமீபத்தில் வெளியான நிலையில் விரைவில் அவர் ஷங்கர் இயக்கவுள்ள 'இந்தியன் 2' படத்தின் படப்பிடிப்பில் கலந்து கொள்ளவுள்ளார். இந்த நிலையில் 'தேவர் மகன் 2' படம் குறித்த அறிவிப்பை நேற்று கமல்ஹாசான் அறிவித்துள்ளார்.

கடந்த 1992ஆம் ஆண்டு வெளியான 'தேவர் மகன்' படத்தின் இரண்டாம் பாகம் குறித்த பேச்சுவார்த்தை நடந்து வருவதாக ஏற்கனவே செய்திகள் வெளிவந்தது என்பது தெரிந்ததே. இந்த நிலையில் நேற்று சேலத்தில் மக்கள் முன் அளித்த கலந்துரையாடல் ஒன்றில் 'தேவர் மகன் 2' படம் குறித்து பேச்சுவார்த்தை நடந்து வருவதாகவும் விரைவில் அறிவிப்பு வெளிவரும் என்றும் கூறினார்.

கமல்ஹாசன் இந்த அறிவிப்பை வெளியிட்ட சில நிமிடங்களில் #ThevarMagan2 என்ற ஹேஷ்டேக் இந்திய அளவில் டிரெண்ட் ஆனது. கமல்ஹாசனுக்கு தேசிய விருது பெற்று கொடுத்த 'தேவர் மகன்' படத்தின் இரண்டாம் பாகம் குறித்த அறிவிப்பு அவரது ரசிகர்களுக்கு பெரும் உற்சாகத்தை கொடுத்துள்ளது.