உலக நாயகன் கமல்ஹாசன் ஏற்கனவே அரசியலுக்கு வருவதை உறுதி செய்துள்ளார் என்பது தெரிந்ததே. இம்மாதம் தனது அரசியல் அறிவிப்பை அதிகாரபூர்வமாக அறிவிக்கவுள்ளதாக கமல்ஹாசன் ஏற்கனவே தெரிவித்திருந்த நிலையில் நேற்று நடந்த ஒரு விருது வழங்கும் விழாவில் ஒரு முக்கிய அறிவிப்பை கமல் வெளியிட்டுள்ளார்.

அதில் ஜனவரி 26ஆம் தேதி முதல் தமிழகம் முழுவதும் சுற்றுப்பயணம் செய்து மக்களை நேரடியாக சந்திக்கவுள்ளதாகவும், இந்த சுற்றுப்பயணம் குறித்து முழு விவரங்களை வரும் 18ஆம் தேதி வெளியிடவுள்ளதாகவும் கமல்ஹாசன் அறிவித்துள்ளார்.

கமல்ஹாசனின் இந்த அறிவிப்பு அவரது ரசிகர்களுக்கு உற்சாகத்தை கொடுத்துள்ளது. ஜனவரி 26ஆம் தேதி முதல் கமல்ஹாசன் செய்யும் இந்த சுற்றுப்பயணத்தின் போது, அவர் ஆரம்பிக்க அரசியல் கட்சியின் பெயர், கொடி மற்றும் நிர்வாகிகளை அறிவிப்பார் என்று எதிர்பார்க்கப்படுகிறது.