முத்துக்குமாரின் தன் நலம்பேணாத் தற்கொலையால் கோபமே: கமல்ஹாஸன்
- IndiaGlitz, [Sunday,August 14 2016]
பிரபல பாடலாசிரியர் நா.முத்துகுமார் மறைவால் தமிழ் திரையுலகமே அதிர்ச்சியில் ஆழ்ந்திருக்கும் நிலையில் அவரது மறைவிற்கு கோலிவுட்டின் பிரபலங்கள் தங்கள் சமூக வலைத்தளங்களில் இரங்கல் தெரிவித்து வருகின்றனர். மரணம் என்பது அனைவருக்கும் நிகழ்வதுதான் என்றாலும் 41வயதில் மரணம் என்பது கொடுமையிலும் கொடுமை என பலர் கருத்து தெரிவித்து வருகின்றனர்.
இந்நிலையில் உலகநாயகன் கமல்ஹாசன் தனது சமூக வலைத்தளத்தில் முத்துகுமாரின் மறைவிற்கு இரங்கல் தெரிவித்துள்ளார். அவர் கூறியதாவது: நியாயமில்லை. "41 சாகும் வயதில்லை ந.முத்துக்குமார் மிக மெதுவாய்ச் செய்த தன்னலம்பேணாத் தற்கொலையால் கோபமே. எனினுமவர் கவிக்கும் நட்பிற்கு நன்றி' என்று தெரிவித்துள்ளார்.
இதேபோல் பிரபல இயக்குனர் பாண்டிராஜ் தனது சமூக வலைத்தளத்தில், 'ஏன் முத்து அதுக்குள்ள ... இவ்வளவு அவசரம்? வணக்கம் வாழ வைக்கும் சென்னை, தெய்வங்கள் எல்லாம் தோற்றே போகும் ...பாடல்கள் தந்த கவியே !!! ஆழ்ந்த வருத்தங்கள்' என்று பதிவு செய்துள்ளார்.