లోకనాయకుడు కమల్ హాసన్ స్వీయ దర్శకత్వంలో రూపొందిన చిత్రం విశ్వరూపం 2`. కొన్ని అనివార్య కార‌ణాల వ‌ల్ల ఈ సినిమా షూటింగ్ ఆగిపోయింది. అయితే మ‌ళ్లీ ఈ సినిమా షూటింగ్ చెన్నైలో మొదలయ్యింది. ఒకటి, రెండు వారాల్లో ఈ సినిమా షూటింగ్ తుది దశకు చేరుకోనుంద‌ని తెలిసింది.

గ్లోబల్ టెర్రరిజం నేప‌థ్యంలో యాక్షన్ థ్రిల్లర్ గా రూపొందించిన విశ్వరూపం` (2013)కి సీక్వెల్ గా ఈ సినిమాని తెరకెక్కిస్తున్నారు. రాజ్ కమల్ ఫిలిమ్స్ బ్యానర్ పై కమల్ హాసన్ నే ఈ చిత్రాన్ని నిర్మిస్తున్నారు. అతుల్ తివారి, కమల్ హాసన్ కథను అందించారు. ఇక కమల్ సరసన పూజా కుమార్, ఆండ్రియా నటిస్తుండ‌గా రాహుల్ బోస్, శేఖర్ కపూర్, వహీదారెహ్మాన్ తదితరులు కీలకపాత్రలను పోషిస్తున్నారు. జీబ్రాన్ సంగీతం అందిస్తున్నాడు.

తాజా సమాచారం ప్ర‌కారం.. ఈ సినిమాని రిపబ్లిక్ డే సందర్భంగా జనవరిలో విడుదల చేయాల‌ని ప్లాన్ చేస్తున్నారు. రిపబ్లిక్ డే సందర్భంగా రిలీజ్ కాబోతున్న ఈ సినిమా.. రాజకీయాల్లోకి రాబోతున్న కమల్‌కి ఏ విధంగా హెల్ప్ అవుతుందో చూడాలి.