'இந்தியன் 2' படப்பிடிப்பு குறித்த அசத்தலான தகவல்
- IndiaGlitz, [Thursday,January 30 2020]
உலகநாயகன் கமலஹாசன் நடிப்பில் பிரம்மாண்ட இயக்குனர் ஷங்கரின் இயக்கத்தில் உருவாகிவரும் ’இந்தியன் 2’ படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வருகிறது.
கடந்த நவம்பர் மாதம் கமலஹாசனுக்கு காலில் அறுவை சிகிச்சை நடந்ததால் அவர் கடந்த இரண்டு மாதங்களாக ஓய்வில் இருந்து வருகிறார். இருப்பினும் கமலஹாசன் இல்லாத காட்சிகள் படமாக்கப்பட்டு வருகிறது என்பது குறிப்பிடத்தக்கது.
இந்த நிலையில் வரும் பிப்ரவரி முதல் அடுத்த கட்ட படப்பிடிப்பு தொடங்க இருப்பதாகவும் அதில் கமலஹாசன் மற்றும் பிரியா பவானிசங்கர் நடிக்கும் காட்சிகள் படமாக்கப்பட உள்ளதாக கூறப்படுகிறது. ஒரு சிறிய இடைவெளிக்குப்பின் கமலஹாசன் மீண்டும் இந்த படப்பிடிப்பில் கலந்து கொள்ள இருப்பதால் படக்குழுவினர்களிடையே பரபரப்பு ஏற்பட்டுள்ளது. மேலும் இந்த படத்திற்காக தற்காப்பு கலை பயிற்சியில் ஈடுபட்டு வரும் காஜல் அகர்வாலும் இந்த படப்பிடிப்பு கலந்து கொள்வார் என எதிர்பார்க்கப்படுகிறது.
கமல்ஹாசன், காஜல் அகர்வால், சித்தார்த், ரகுல் ப்ரீத்திசிங், ப்ரியா பவானிசங்கர், விவேக், கிஷோர் ,வித்யுத் ஜம்வால், சமுத்திரகனி, நெடுமுடி வேணு, டெல்லி கணேஷ் உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். லைகா நிறுவனம் தயாரிக்கும் இந்த படம் அடுத்த ஆண்டு வெளியாகவுள்ளது.