கமல்ஹாசன் தொகுத்து வழங்கிய பிக்பாஸ் முடிந்துவிட்டதை அடுத்து மீண்டும் அவர் சினிமாவில் பிசியாகிவிட்டார். கடந்த வாரம் இயக்குனர் ஷங்கரின் இயக்கத்தில் 'இந்தியன் 2' படத்தில் கமல் நடிப்பது உறுதி செய்யப்பட்டு இந்த படத்தின் தயாரிப்பாளர் தில்ராஜூ என்பதும் அறிவிக்கப்பட்டது.

இந்த நிலையில் கமல்ஹாசன் இயக்கி தயாரித்து நடித்து வரும் 'சபாஷ்நாயுடு' படத்தின் நிலை என்ன என்பது குறித்த தகவல் தற்போது வெளிவந்துள்ளது. இந்த படத்தின் முதல்கட்ட படப்பிடிப்பு மட்டுமே முடிந்துள்ள நிலையில் காலில் எலும்பு முறிவு, பிக்பாஸ் ஆகியவை காரணமாக படப்பிடிப்பு தள்ளி போய்க்கொண்டிருந்தது

இந்த நிலையில் இந்த படத்தின் படப்பிடிப்பை இம்மாதம் கமல் மீண்டும் தொடங்கவுள்ளதாகவும், அதேபோல் பல வருடங்களாக தாமதமாகிவரும் 'விஸ்வரூபம் 2' படத்தையும் இவ்வருட இறுதிக்குள் முடிக்க கமல் திட்டமிட்டுள்ளதாகவும், இந்த இரண்டு படங்களையும் முடித்த பின்னரே 'இந்தியன் 2' படத்தின் படப்பிடிப்பில் கமல் கலந்து கொள்வார் என்றும் கூறப்படுகிறது.